Industria-jabetzaren salmenta

Teknologia propioaren sormena eta haren ustiapen komertziala dira Tecnaliaren negozio-ereduaren oinarriak. Teknologia horrek, behar bezala babestuta, benetako soluzio berritzaile eta erabilgarriak eskaini behar dizkie gure bezeroei, balore-posizio bakarrak eskainiz (esklusibitatea), eta egun merkatuko baldintzek hainbeste eskatutako operazio-askatasuna bermatuz; bestalde, lehiakortasun-maila handitzeko I+G+Baren alde egindako apustua errentagarri egin behar du.

Hauek dira Tecnaliak arlo horretan izan dituen arrakasta batzuk:

QUATTRO robotaren ustiatze-lizentziaren salmenta

Tecnaliak, Adept enpresa estatubatuarrarekin egindako hitzarmenaren bidez, Quattro, munduko robot manipulatzaile azkarrena ustiatzeko lizentzia laga dio Adept-i. Lagapen horri esker, Adept-ek robot iraultzaile horren eskubideak ustiatzen ditu bere ohiko merkatuan (Europako Batasuna, Estatu Batuak, Kanada eta Asiako hego-ekialdea), eta hirugarrenen bitartez, beste merkatuetan (Japon, Hego Korea, Errusia eta Taiwan).

Berotze-sistemaren lizentziaren salmenta

2007an Tecnaliak beroketa eta galdatze-tenperatura kontrolatzeko sistema baten lizentzia eman zion SERT-Metal-i (Frantzia). Sistema hori plasmazko zuzi batean oinarritzen da. Galdatutako piezen kalitatean ondorio kaltegarririk ez duela frogatu denez, espero ziren abantaila operatiboak berretsi egin dira.

2009ko ekitaldian plasma termikoaren bidezko berotze-unitatearen balioztatze industriala gauzatu da.