Nazioarteko proiektuak

Tecnalia korporazio global bat da, eta hala jarduten du, bazkide eta bezeroentzat balio handiko ezagutza, talentua, baliabideak eta joerak biltzen.

Nazioarteko bokazio horri esker, Tecnaliak bere mugetatik harago zabaltzen du teknologia, nazioartean garatutako proiektuen bidez.

Arrakasta izan duten kasu batzuk

Lankidetza Kuban

Tecnaliaren Eraikuntzaren Unitateak Habanako eta Santiagoko hirigune historikoko historialariaren bulegoa gaitu du eraikinen egituraren diagnostikoa egiteko. Hala, eraikinak gizarte-helburuetarako birgaitzeko lanei ekin ahal izango zaie gerora, FOCADen (Eusko Jaurlaritzaren Lankidetza Deszentralizaturako Funtsaren) finantzaketaren bidez

Munduko robotik azkarrena

Tecnaliaren Sistema Industrialen Unitateak munduko manipulazio-robot azkarrena garatu du, Informatika-zientzien, Robotikaren eta Mikroelektronikaren Montpellierreko Laborategiaren (LIRMM) lankidetzari esker. Ustiatze-lizentzia AEBko Adept enpresari saldu dio.

Teknologia-transferentzia Kolonbian

Teknologia-transferentziako proiektu batzuei esker, ESICenter Sinertic Andino (Bogota, Kolonbia) zerbitzuak eman eta ITMark eta opTIma ikuskapenak egiteko gaitu eta baimendu da. Proiektu horien emaitza izan da IKT sektoreko 30 ETE baino gehiagotan egin direla ikuskapenak ITMark kalitate-ereduaren arabera, eta turismo- eta moda-sektoreko 76 ETEtan opTIma metodologiaren arabera, ETEak digitalizatzeko.

Bezeroari laguntzea Txinan

Tecnaliaren Galdaketaren Unitateak Txinako galdaketa-alorreko hornitzaile baten homologazio teknikoa egin du, eta haren produktuen kontrol-kalitatea in situ egin du, ekoizpen-prozesu osoan. Hala, bezeroak bere helburua bete du: teknikoki homologatutako materialekin lan egitea