Gure adituek sakonki azalduko dituzte korrosio-prozesuek eragiten dituzten fenomenoak. Korrosiotik babesteko eta korrosioa monitorizatzeko metodo batzuk ere aurkeztuko dira, eta korrosioa arazo bereziki garestia duten sektoreetan jarriko da arreta nagusia.
Programa
- Hidrogenoagatiko hauskortze-fenomenoak, hormigoi armatuaren korrosioa eta ingurune jakin batzuetako korrosioa landuko dira.
- Halaber, materialen korrosioa ebaluatzeko saiakuntzak ikusiko ditugu, bai eta saiakuntza azeleratuak ere, zeinek aukera ematen baitute korrosio-fenomenoek eragin ditzaketen baldintzak simulatzeko, eta ingurune erreal kontrolatuetan saiakuntzak egiteko beste aukera batzuk.
- Ikastaroa amaitzeko, hutsegite-analisien kasu praktiko batzuk aztertuko ditugu.
Aukerako saio teoriko eta esperimentala hilaren 19an
Aurten ere, aurreko edizioan bezala, hilaren 19an trebakuntza-saio teoriko eta esperimental bat egiteko aukera emango dugu.
- Korrosio-fenomenoen printzipio elektrokimikoak sakon aztertuko ditugu.
- Jean Baptiste Jorcin doktoreak emango du saioa, eta zati esperimental batez eta zati teoriko batez osatuko da.
- Gure laborategietan egingo da, talde txikitan, hiru laguneko gutxieneko quorumarekin.
Izena emateko informazioa
- Kostua: 250 € (+ BEZa) pertsona bakoitzeko, baldin eta ikastaroa soilik egiten bada; 340 € (+ BEZa) ikastaroaren bi egunak eta aukerako saio teoriko eta esperimentala egin nahi dutenentzat.
- Izena eman nahi baduzu, jarri gurekin harremanetan eta bidali zure datuak: izena, enpresaren izena eta harremanetarako telefono-zenbakia. Tokirik baden esango dizugu, eta, tokia bada, ikastaroa nola ordaindu.
- Lekua mugatua da.
Informazio gehiago
Ikastaroa TECNALIAko ikertzaileek emango dute, EBC Iberiaren eta IR Corrosiónen laguntzarekin.
- Ikastaro honek Fundación estatal para la formación en el empleoren laguntza jaso dezake.
- Liburuxka: “Korrosio-ingeniaritzako ikastaroa - 6. edizioa”
- Ikastaro hau gaztelaniaz egingo da.