EUROPM 2018, Hautsen Metalurgiaren Europako Batzarra

Tokia: BEC, Bilbao Exhibition Center
Data: 2018.10.14 - 2018.10.18
Ordutegia: 08:00-19:00
Iraupena: 5 egun
Antolatzailea: EPMA, European Powder Metallurgy Association
inigo.agote@tecnalia.com
inigo.agote@tecnalia.com

Hautsen metalurgia deitzen zaio piezak metal-hautsetik abiatuta fabrikatzeari. Asko erabiltzen da ibilgailuetako osagaiak, ebaketa-tresnak eta kontsumo-ondasunak fabrikatzeko.

Ekitaldi honetan, sektoreko enpresa garrantzitsuenak bilduko dira: metal-hauts, prentsa, labe eta karakterizazio-ekipoen fabrikatzaileak. 300 hitzaldi tekniko baino gehiago egingo dira, eta 5.000 m²-ko erakusketa bat izango da.

Ahozko lau aurkezpen egingo ditugu, hautsen metalurgian egin ditugun azken garapenak erakusteko: 

• Sinterizazio ultrabizkorra (SINTERFAST): hautsetik abiatuta, segundo bat baino gutxiago behar du pieza dentsoak sortzeko. Oso moldakorra da eta energetikoki efizientea. / Aplikazioa: ebaketa- eta higadura-erremintak, titaniozko piezak, etab.
• Binder jetting bidezko fabrikazio aditiboa: teknika honen bidez, oso geometria konplexuko piezak egin daitezke, ohiko fabrikazio-prozesuen bidez egin ezin daitezkeenak. Fabrikazio aditiboko beste teknologia batzuen aldean, gainera, ahalmena handia du era guztietako materialetara egokitzeko: elementu polimerikoak, aleazio metalikoak eta material zeramikoak. Oso handiak ditu, halaber, inprimatze-bereizmena, eskalagarritasuna eta fabrikatze-abiadura ere. Horregatik, metalezko nahiz zeramikazko osagaien berrikuntzarako eta garapenerako ahalmen handiko motor bat da, fabrikazio aditiboko beste teknologia batzuen aldean.  / Aplikazioa: sektore aeroespaziala eta makina-erreminta.
• Metal gogorretan Co-a eta W-a ordezkatzea: Co-a eta W-a material kritikoak dira Europar Batasunean. Haien alternatibak garatzen ari gara, sinterizazio-teknika aurreratuak erabiliz.
• Metal gogorren eta ebaketa-erreminten sektorearen aurkezpena EAEn eta Espainian.

HARREMANETARAKO 

• Miguel Ángel Lagos 
• Naiara Azurmendi
• Iñigo Agote

Ekitaldiari buruzko informazio gehiago