Basajaunen eraikin pilotuaren inaugurazioa landa-garapenerako zurezko eraikuntza jasangarriaren adibide bat da
TECNALIAk, Gironde Departamentuko eta Eusko Jaurlaritzako ordezkariekin batera, zurezko eraikin pilotu jasangarri bat inauguratuko du Pian Médoc-en (Frantzia). Gironde Departamentuko presidente Jean-Luc Gleyze eta Eusko Jaurlaritzako Etxebizitza, Lurzoru eta Arkitekturako zuzendari Pablo García Astrain izango dira buru eraikin pilotu jasangarriaren inaugurazioan.
Eraikuntza jasangarria zura erabiliz
Basajaun Europako ekimenaren asmoa da zura erabiliz eraikuntza jasangarriak egitea. Ekimenaren helburu nagusia da inpaktua sortzea eta erakustea zenbateraino optimizatu daitekeen zurezko eraikuntza: hiri-eraldaketa eta eskualde landatarrenen garapena susta dezake modu jasangarrian. Eta, aldi berean, basoen kudeaketa jasangarria egiten da Europa mailan.
Basajaunen lorpenak
Eraikina Frantziako hegoaldeko paisaian inspiratuta dago, eta kokaleku duen eskola-konplexuan integratuta dago. Konplexu hori BPMk diseinatutako campus orokor bat da; eraikina hiru etxe konektatuk osatzen dute, eta gertu duen eskolako irakasleei zuzenduta dago.
- Proiektuko kideek fabrikatzaileentzat eta azken erabiltzaileentzat deigarri diren material, produktu, eraikuntza-sistema eta hornikuntza-kate digitaleko soluzioak garatu eta probatu dituzte.
- Azken erabiltzaileentzako eta industria-bezeroentzako proba-puntuek erregistro oso bat dute, honako datu hauek jasotzen dituena: produktuaren teknologiarekin eta jasangarritasunarekin zerikusia duten ezaugarriak eta haren produktibitatea, errentagarritasuna eta lehiakortasuna.
- Horretaz gain, bi erakusketa-eraikin eraikitzen ari dira Finlandian eta Frantzian, zeinetan material eta soluzio berritzaile horietako batzuk gehitu baitira.
- Taldea berrikuntza-plataforma ireki bat sortzeko prestatzen ari da, emaitzak eskualdeko beste enpresa eta eragile batzuekin batera transmititzeko.
Basajaunen eraikin pilotuaren inaugurazioko parte-hartzaile nabarmenak
- Jean-Luc Gleyze, Gironde Departamentuko presidentea
- Pablo García Astrain, Eusko Jaurlaritzako Etxebizitza, Lurzoru eta Arkitekturako zuzendaria
- Emmanuelle Colangeli, eskolako zuzendaria
- Isabel Rodríguez-Maribona Gálvez, TECNALIAko Teknologiako / Trantsizio Energetiko, Klimatiko eta Urbanoko zuzendaria
Proiektu honek Europar Batasuneko ikerketa eta berrikuntzako Horizon 2020 programaren finantziazioa jaso du, 862942 zenbakiko dirulaguntzaren bidez. Proiektuak 12 herrialdetako 29 bazkide ditu, eta TECNALIAk koordinatzen du.