“Etorkizuneko ibilgailuen multzo diferentzialerako soluzio berritzaile bat garatu dugu”
CIE-REN HISTORIA
CIE Automotive balio erantsi handiko prozesuetan espezializatutako industria-talde bat da: duela 25 urte baino gehiagotik modu iraunkorrean hazten ari den automobilgintza-proiektu batekin konprometitutako lantalde bat du.
Proiektua 1996an hasi zen, INSSEC sortu eta Egaña industria-korporazioan eta CIE Automotive taldean parte hartzen hasi zenean. 2002an sortu zen, Egaña taldea eta Aforasa taldea batzearen ondorioz.
CIE + TECNALIA LANKIDETZA
Fabrikazio aurreratuko prozesu jasangarriagoez ari garenean, ekoizpena orain arte ezagutzen genuen ez bezala ulertzeko modu batez ari gara. Helburua da efizienteago izatea balio-kate osoan, osagaien fabrikaziotik bertatik hasita, balio-bizitza amaituta haiek deuseztatu arte. TECNALIAn, fabrikazio ekoefizientea deitzen diote.
“Eta etorkizuneko ibilgailuen multzo diferentzialerako soluzio berritzaile bat garatzeko CIE Automotiveren eta TECNALIAren arteko lankidetza baten bidez gauzatu dugu“, adierazi du CIEko prozesu-ingeniari Óscar Valbuenak.
Elkarrekin, fabrikazio aurreratuko ibilbide berri bat diseinatu dugu, geometria horzdunak sortzeko bi teknologia hibridatuz. CIE Automotiven beroko forjaketa bat egiten dute prentsa bertikalean, abiapuntuko aurreforma edo materiala lortzeko.
Ekoefizientzia, TECNALIAren eta CIE Automotiveren proiektu bat
“TECNALIAn erdiakabera ematen diegu aurreforma horiei forja birakariko teknologia propio baten bidez, lortzen den pieza ibilgailuen diferentzialaren parte izango den azken geometriaren ahalik eta antzekoena izan dadin“, azaldu du TECNALIAko proiektu-kudeatzaile Sonia Varelak.
Fabrikazio aurreratuko bi prozesu horien konbinazioari esker, efizientzia handiagoa lortzen dugu lehengai gehiago aurreztuz, eta horrek, gainera, energia gutxiago kontsumitzea eta azken mekanizazioaren kostuak murriztea dakar.
Soluzio teknologiko hau konplexutasun tekniko berdineko piezei aplika dakieke, zenbait esparru eta industriatan, eta, areago, atea irekitzen diote beste birdiseinatze arindu batzuk egiteari.
“Eta horren emaitza dira etorkizuneko ibilgailuetarako propietate hobeak eta balio erantsi handiagoa dituzten osagaiak”, gehitu du Óscar Valbuenak.
“Izan ere, prozesu ekoefiziente berriak diseinatzea da industriaren, gizartearen eta planeta osoaren garapen jasangarria lortzen laguntzeko gure modua“, Sonia Varelaren arabera.
