Emaitzak transferitzeko bigarren tailer honetan, itsas ingurunerako instalazio fotovoltaiko flotatzaileen kontzeptu jasangarri berriak aurkeztuko ditugu, EkiOcean ekimenean garatuak
Energiaren Klusterrak eta TECNALIAk, EKIOCEAN ekimeneko bazkideekin lankidetzan, jardunaldi hau antolatu dute, itsas ingurunerako instalazio fotovoltaiko flotatzaileen kontzeptu berrien inguruan.
Bisita Mutrikuko plataforma fotovoltaiko flotatzailera
Emaitzak transferitzeko tailerraz gain, TECNALIAk Mutrikun martxan jarri duen plataforma fotovoltaiko flotatzailea ikusteko aukera dagoen aztertzen ari gara, eguraldiak laguntzen badu. Plataforma honen helburua garapen berriak probatzea eta balioztatzea da, hala nola EKIOCEANen egindakoak.
Bisita egin nahi izanez gero, adierazi, mesedez, erregistro-formularioa betetzean.
Itsas inguruneko energia fotovoltaiko flotatzailearen aurrerapenak
Jardunaldian, ekimen horretan egindako zenbait aurrerapen landuko ditugu, hala nola:
- Itsasoko FV flotatzailearentzako egituren kontzeptu berriak eta kontzeptu horien esperimentazioa.
- Egitura flotatzaileen karakterizazio hidrodinamikoa.
- Flotazio-sistemetarako material jasangarriak: hormigoi jasangarrietatik hasi eta antifouling propietateak dituzten estaldura biooinarrituetaraino, edo flotagailuetan integratutako FV moduluetaraino.
- Itsasoak FVF plantetan dituen eragin kaltegarrien karakterizazioa.
- Ingurumen-arriskua eta FVF kokalekuak identifikatzeko tresnak.
EKIOCEAN ekimenari buruz
EKIOCEAN ekimena TECNALIAk koordinatzen du, eta Azti, Basque Center for Applied Mathematics (BCAM), UPV/EHUko Ingeniaritza Energetikoa Saila, UPV/EHU Polymat eta Energia Klusterrarekin lankidetzan garatu da. Eusko Jaurlaritzak lagundua da, Elkartek programaren bidez.
Hauek dira EKIOCEANen helburuak:
- Itsas ingurunearen eragina karakterizatzea instalazio fotovoltaiko flotatzaileetan (FVF)
- Mota horretako instalazioentzat eta haien osagai kritikoentzat (flotazio-sistemak, materialak...) soluzio berritzaileak eta jasangarriak ikertzea.
- Horrelako instalazioek itsasoan izan dezaketen ingurumen-inpaktua minimizatuko duten plangintza-tresnak diseinatzea
** Jardunaldira joateko, izena eman behar da.