Enpresekin elkarlanean aritzen gara, lehiakorragoak izan daitezen eta aberastasuna eta lana sor dezaten

Industria gure DNAren parte da.

Hainbat hamarkadatan manufaktura-enpresen berrikuntza-erronkei erantzun diegu, haiekin lankidetzan, prozesu bakoitzean automatizazio-soluzio egokiak integratuz, mekatronikako azken teknologiak aplikatuz, material berriak garatuz eta fabrikazio-prozesuen portaera gobernatzeko simulazioak ezarriz.

Energia berriztagarrien belaunaldi lehiakor baterako eta CO₂-rik gabeko mugikortasunerako soluzioak garatzen ditugu.

Sare adimendunetan, energia-metaketan (hidrogenoa barne), teknologia digitaletan, energia-eraginkortasunean eta material aurreratuetan dugun esperientziak soluzio horiek hedatzen laguntzen du.

Industriaren deskarbonizazioa eta energiaren aldetik eraginkorrak, jasangarriak, erosoak eta erresilienteak diren hiri-inguruneen plangintza/diseinua bultzatzen ditugu.

Teknologia eta negozio-eredu berriak garatzeko lanean ari gara, zeinek lagunduko baitute etorkizuneko mugikortasun-eredura aldatzen: ingurumenean eragin txikia izango duen mugikortasuna, konektatua, eraginkorra, segurua, adimentsua eta integratzailea.

Testuinguru horretan, gure jarduera mugikortasun-sistemen balio industrialaren katera bideratzen dugu, alde batetik, eta, bestetik, administrazioetara, mugikortasun kudeatzaileetara eta erabiltzaileetara.

Pertsonen osasuna eta bizi-kalitatea zaintzen eta hobetzen dituzten ingurune osasungarriak garatzeaz arduratzen gara.

Horregatik, gure jarduera teknologikoa epe luzeko osasun- eta zainketa-sistemak, elikadura, garraioa, etxebizitza, hiria eta lantokia eraldatzera bideratzen dugu.

Hiriaren eta lurraldearen eraldaketa positiboa eta garapena bultzatzen ditugu; horretarako, balioetan oinarritutako zenbait hiri-soluzio eskaintzen ditugu hiri adimentsuak lortzeko, eta eragin handiko teknologia aurreratuak aplikatzen ditugu.

Pertsonak ardatz dituen eta 2030eko Garapen Iraunkorreko Helburuekin bat datorren hiri-eredua defendatzen dugu.

Egungo ekoizpen- eta kontsumo-ereduak jasanezinak dira etorkizuneko belaunaldien oparotasun ekonomikoari eta ongizateari eusteko. Beharrezkoa da paradigma aldatzea, bai gizartearen produkzio-sistemetan, bai kontsumo-jarraibideetan.

Ekonomia zirkularra da aldaketarako motorra, eta haren bidez lortuko dugu gure gizarterako eta planetarako jasangarriak diren ekoizpen- eta kontsumo-ereduetarantz igarotzea.