Ikastaro berria: "konputagailu bidezko ikuspena eta adimen artifiziala aplikazio biomedikoetan”
Mikrokredentzial hau zabaldu dugu onlineko formatuan, EHUrekin lankidetzan; ikerketa eta berrikuntza teknologikoan lan egiten duten ingeniariei zuzendutako prestakuntza espezializatu berria. Funtsezko prestakuntza da seinale biomedikoak aztertzeko eta tratatzeko, eta hori osasunaren, bioingeniaritzaren eta ikerketa teknologikoaren esparruetan aplikatzeko.
Seinale biomedikoak erabiltzea funtsezkoa da osasunaren ikerketako, bioingeniaritzako eta teknologia berrien garapeneko hainbat esparrutan. Ikastaro honek oinarrizko prestakuntza sendoa eskaintzen du, seinale elektrofisiologiko nagusien izaera ulertzeko, eta behar bezala hautemateko, aztertzeko eta interpretatzeko beharrezkoak diren trebetasunak eskuratzeko.
Ikastaroaren helburuak: seinale biomedikoen oinarriak
Helburu nagusia da parte-hartzaileek seinale biomedikoen oinarriak ulertzea eta ikerketako eta berrikuntzako testuinguruetan haiekin lan egiteko beharrezkoak diren tresnak eta metodologiak erabiltzeko gaitasuna lortzea.
Ikastaroan honako alderdi hauek jorratuko dira:
- Seinale elektrofisiologiko nagusien printzipio fisiologiko eta teknikoak.
- Seinaleak hautemateko eta pazienteekin esperimentuak diseinatzeko metodologiak.
- Seinale biomedikoen prozesamendua eta emaitzen irudikapen eta interpretazio egokia.
Eduki nagusiak
Honako hau izango da ikastaroaren egitura: 21 ordu eta lau prestakuntza-bloke, laneko ziklo osoaren ikuspegi progresiboa eta koherentea ematen dutenak, seinale biomedikoekin.
- Seinale biomedikoak
- Erregistroa eta eskurapena
- Iragazketa eta kalitate-kontrola
- Seinaleak prozesatzeko eta parametrizatzeko teknikak
Ikaskuntzaren emaitzak
Ikastaroa amaitzean, parte-hartzaileek:
- Seinale biomedikoei buruzko oinarrizko prestakuntza sendoa izango dute.
- Seinaleak eskuratzeko eta aztertzeko teknologiak erabiltzeko beharrezkoak diren funtsezko kontzeptuak ulertuko dituzte.
- Prest egongo dira prestakuntza aurreratuak edo espezializatuak egiteko esparru jakinetan, esate baterako, seinaleen prozesamendu aurreratuan, kanal anitzeko azterketan edo osasun arloko aplikazio espezifikoetan.
Prestakuntza honekin, soluzio berritzaileak garatzeko funtsezkoak diren ezagutzak eskuratzea ahalbidetuz, TECNALIAk bere apustua indartzen du osasun arloko ikerketarako funtsezkoak diren teknologien gaikuntza teknikoan.
Kontsultatu baldintzak eta irakasle guztiak
