Navalia 2026 azokan parte hartuko dugu, Euskadiko Itsas Foroaren barruan. Ontzigintzan, erreferentzia da nazioarteko azoka hori.
Navalia Europa hegoaldeko ekitaldi garrantzitsuenetakoa da jadanik. Azken edizioan 500 erakusketari baino gehiago, 20.000 bisitari baino gehiago eta 75 herrialde baino gehiagoko delegazioak elkartu ziren. Gainera, funtsezko topalekua da ontzigintzan, digitalizazioan, material berrietan eta energia-soluzio aurreratuetan dauden berrikuntzak aztertzeko.
Edizio honetan, Euskadiko Itsas Funtsaren espazioan parte hartuko dugu, Euskadiko itsasgintzaren industriako ekosistemarekiko lankidetza indartuz, eta sektoreak teknologiari dagokionez dituen gaitasunak ikusaraziz, ingurune partekatu batean.
Ontzigintzaren industriaren trantsizioan aurrerapausoak emanez.
TECNALIAn lanean dihardugu industria jasangarriagoa, digitalagoa eta lehiakorragoa lortzeko prozesua bizkortzeko, eta itsas garraioaren balio-kate osora heltzen gara:
- Ontzien deskarbonizazioa eta elektrifikazioa: propultsio elektrikoa eta hibridoa, bateria aurreratuak, BMSa eta potentzia-elektronika.
- Energiaren kudeaketa adimenduna: EMSmart sistema, kudeaketa termikoa eta kontrol prediktiboa.
- Digitalizazio aurreratua: biki digitalak, eragiketa adimenduna, eta prestazio handiko hardware ontziratua.
- Muturreko baldintzetarako materialak eta gainestaldurak: materialen iraunkortasuna eta bateragarritasuna baliozkotzea, saiakuntza aurreratuak, erakusketa itsasoan eta modelizazio prediktiboa.
Gainera, berariaz zeregin hauetara bideratutako teknologiak ipiniko ditugu ikusgai:
- Itsas eragiketen energia-efizientzia eta jasangarritasuna areagotzea.
- Itsasontzien diseinuan, eragiketetan eta mantenuan soluzio digitalak aplikatzea.
- Ontzigintzarako eta itsas zabaleko inguruneetarako sistema aurreratuak eta material berriak garatzea.
Gure lantaldea prest egongo da itsas inguruneko enpresekin bilkura profesionalak egiteko, eta lankidetzarako abagune berriak identifikatzeko.
Egin zure bilkura-eskera helbide elektroniko honetara idatziz: ainara.alonso@tecnalia.com.
Zain gauzkazu Vigon
Sektoreko profesionalei gonbita luzatzen diegu Navalia 2026 azokan Euskadiko Itsas Foroaren espazioa bisitatu dezaten, azken proposamen teknologiakoak ezagutzeko eta itsas eremuko azken sinergiak arakatzeko.