Webinar bat antolatu dugu tenperatura handiko bero-ponpetan oinarritutako soluzioak aurkezteko, prozesu industrialetarako (aerotermiatik lurrunera)
Prozesu termiko industrialen deskarbonizazioa azkar ari da aurreratzen, eta tenperatura handiko bero ponpak (HTHP) soluzio giltzarri gisa sendotzen ari dira bero- eta lurrun-sorkuntzan erregai fosilak ordezkatzeko. Webinar honetan azalduko dugu aerotermian eta hidrotermian oinarritutako teknologiek aukera ematen dutela tenperatura altuko ur beroa eta lurrun industriala ekoizteko; horrek efizientzia energetikoaren eta emisio-murrizketaren helburuetara hurbiltzen du industria.
Industrian HTHP bidez tenperatura altuko ura eta lurruna sortzen duten kasu errealak
Keyterrek, saioan zehar, tenperatura altuko ura ekoizteko aerotermiako eta hidrotermiako bero-ponpen soluzioak erakutsiko ditu.
TECNALIAk erakustaldi industrial bat aurkeztuko du, zeinean tenperatura altuko bero-ponpa baten bidez lurruna sortuko baita; sistema horrek benetako emaitzak ditu ingurune industrialean. Beroa errebalorizatzeko teknologia hori Push2Heat ekimenean garatu da, eta 160 °C-ra arteko bero-eskaria duen industriara bideratzen da, hala nola elikaduraren, papergintzaren, kimikaren eta farmaziaren industrietara.
Norentzat da webinarra?
- Bero-ponpen ekipoen fabrikatzaileak
- Ingeniaritzak
- Energia-zerbitzuen enpresak (ESCO)
- 200 °C-rainoko prozesuak dituzten industriak (elikagaiak eta edariak, papera, kimika, petrokimika, farmazeutikoa, etab.)
- Eragile publiko eta instituzionalak eta elkarteak
Interesatzen zaizu gure hurrengo webinarra?
Maiatzaren 28an egingo dugun webinarrean ere eman dezakezu izena: Teknologiatik merkatura: industrian tenperatura handiko bero-ponpak txertatzeko gakoak.