"Azpiegitura zibernetikoen eta IT sistemen egonkortasuna, segurtasuna eta errendimendua indartzen laguntzen duten trebakuntza eta tresnak"
Cyber-rangea gerra zibernetikoan gaitzeko erabili ohi den ingurune birtual bat da
Martxoaren 31n, Akitania Berria eskualdean (FRANTZIA), "Energia eta zibersegurtasuna: erresilientzia hobetzen lagunduz azpiegitura kritikoetan CRESen cyber-rangerarekin" ekitaldia izan zen. Topaketa oso inspiratzaile gertatu zitzaien han elkartutako profesional eta ikasle guztiei.
CRES proiektua (Cyber Range for Electrical Substation) energiari eta zibersegurtasunari buruzko ekimen bat da, Beware Cyberlabs-ek, Mirat Di Neride-k eta TECNALIAk osatua. Cyber-rangea gerra zibernetikoan gaitzeko eta teknologia hori garatzeko erabili ohi den ingurune birtual bat da. Horretaz gain, tresnak eskaintzen ditu gobernu-agentziek eta agentzia militarrek zein instalazio pribatuek eta industriek, hala nola energia-industriak, erabiltzen dituzten azpiegitura zibernetikoen eta IT sistemen egonkortasuna, segurtasuna eta errendimendua indartzen laguntzeko.
CRESek lau puntu nagusi ditu
- Espainiaren eta Frantziaren arteko mugaz gaindiko proiektu bat da
- Instalazio elektriko erreal baten laborategi fisiko adierazgarri bat cyber-rangeko plataforma batekin konektatzen du
- Cyber-rangearen agertoki berri bat, elementu errealak dituena birtualizatuen ordez. Agertoki errealista eta progresiboak ditu.
- Egokia da hasierako prestakuntzarako eta etengabeko prestakuntzarako.
Zibersegurtasun-arriskuak energiaren sektorean.
Besteak beste, hauek hartu zuten parte: Guy Flament, Akitania Berriko zibercampusaren arduraduna, Emilie Bouquier (Terega Solutions), Paul Bousquet (Frantziako Hego-Mendebaldeko Polizia Judizialaren finantza-delituen aurkako borrokaren zuzendaria), Frédéric G. (EDF I+G) eta Pierre Venot (Picoty taldea). Azaldu zuten nola ikusten dituzten, bakoitzak bere ikuspegitik, energia-enpresen zibersegurtasuneko erronkak eta zer soluzio ezarri diren haiei aurre egiteko.
Bestalde, Bernard Roussely Beware Cyberlabs-eko fundatzaile eta CEOak xehe-xehe azaldu zituen CRES proiektua, haren helburuak, agertokiak eta ziberariketaren erronkak, bai eta erabilitako CYBEX entrenamendu-plataforma ere. François-Xavier Faÿ gure lankideak, bestalde, gauza bera egin zuen TECNALIAren Smart Grid for Cybersecurity laborategiarekin, eta proiekturako emandako soluzio teknikoak eta cyber-rangearen eskala handiko proba erakutsi zituen capture the flag ariketa baten bidez.
CRESi edo teknologia ziberseguruei buruz gehiago jakin nahi baduzu, jarri gurekin harremanetan.
