“Gure bazkide nagusiekin eta bezero handiekin energiaren, baliabide kritikoen eta teknologiaren arloko ikuspegi bateratuak eraikitzen ditugu”
Geopolitika globala ulertzeak trantsizio energetikoari heltzeko aukera emango digu, autonomia estrategikoak teknologian eta baliabide kritikoetan duen zeregin kritikoa aintzatetsiz
TECNALIAk topaketa bat antolatu du, eta bertan izan dira Acciona, ACWA, Cementos Rezola, Cobra Instalaciones y Servicios, EDF España, Elecnor, Ferrovial, Fortia Energía, Grupo Puma, Iberdrola, Intecsa, Madrid WCC, Microsoft, Navantia, Nordex Green Hydrogen, Red Eléctrica de España, Sacyr, Solaria eta Técnicas Reunidas enpresetako goi-mailako zuzendariak.
Saio horretan, eztabaidaren erreferente izan da Francisco José Gan, lurreko armadako teniente jeneral erretiratua eta unibertsitate eta negozio-eskoletako irakasle gonbidatua.
Francisco José Gan teniente jenerala lizentziaduna da Zientzia Politikoetan eta Soziologian, Defentsa Nazionaleko masterra du eta honoris causa doktorea ere bada Valentziako Unibertsitate Katolikoan. Halaber, lidergoari, geopolitikari eta adimen aplikatuari buruzko hainbat argitalpen egin ditu aldizkari espezializatuetan, eta Espainiako Geografia Elkarteko lehendakariorde ohia da.
Bertaratutakoak bat etorri ziren maila handiko eztabaida izan zela, eta geopolitikaren eta energia, baliabide kritiko eta teknologiako autonomia estrategikoaren inguruan ikuspegi komun bat eraikitzeko balio izan zuela.
Trantsizio energetikoa eta autonomia estrategikoa
Deskarbonizazioa izan da Europan energiaren erronka nagusia, harik eta Ukrainako gatazkak agerian utzi duen arte oso zaurgarriak garela hornidura-segurtasunari dagokionez. Horrek bizkortu egin du tokiko energia-iturri berriztagarrietan oinarritutako gure hornikuntza-estrategia.
Egoera horrek bultzatuta, birplanteatu egin behar dugu gure subiranotasun teknologikoa eta material kritikoetarako sarbidea eta material horien birziklagarritasunaren bermea. Europa, autonomia estrategiko bila dabilen honetan, askoz eragile handiagoen (hots, Txinaren eta AEBren) arteko merkataritza- eta teknologia-gatazkaren erdian dago.
Topaketa honetan, bidegurutze horri buruzko informazioa ematen saiatu gara; eztabaidatu dugu nola ekartzen dituen egoera horrek erronkak eta aukerak balio-kate industrialetako eragileentzat eta aukera horiek aprobetxatzeko nola gertatzen diren bultzagarri berrikuntza eta teknologia.
