TECNALIAk 2024ko Hirien Foroan parte hartuko du: Hiriak efizienteagoak eta lehiakorragoak bihurtzeko berrikuntza digitala
Francisco Rodríguez TECNALIAko Hiri Eraldaketako Laborategiko arduradunak 2024ko Hirien Foroko mahai-inguru batean parte hartuko du. Foroa Madrilen egingo da, IFEMA esparruan.
Saioaren motibazio nagusia izango da aztertzea zer ekarpen egin dezakeen berrikuntza digitalak hiri-eraldaketarako funtsezko eragile gisa.
- Esparru bat eskaintzen zaie bai trantsizio hori hasia duten hiriei bai beren aldaketa-proposamenak gauzatzeko tokiko gobernuekin lan egiten duten dozenaka erakundeei.
- Teknologia digitalak aplikatuz hiriak efizienteago, lehiakorrago eta jasangarriago bihurtzeari buruzko beren esperientziak eta ikuspegiak partekatuko dituzte adituek eta liderrek.
Horregatik, espazio bizigarriago, jasangarriago, inklusiboago, parte-hartzaileago eta erresilienteago bihurtzeko xedez hiriek jarraitu beharreko bideari buruzko ideiak, proiektuak eta ikuspegiak biltzeko eta trukatzeko tokia da Hirien Foroa.
Zatoz mahai-ingurura, eta ezagutu nola moldatzen duen berrikuntza digitalak gure hirien etorkizuna eta nola balia dezakegun hura hiri-ingurune adimentsuagoak eta jasangarriagoak sortzeko.
Hiri-eraldaketarako biki digitalak
Hiriak ingurune konplexuak dira, eta adimen artifiziala eta biki digitalak lagungarriak izan daitezke hiria positiboki eraldatzea eragin dezaketen erabakiak hartzeko. Biki digitalei esker, hiria 3Dn modeliza daiteke, geruzaz geruza: eraikinak, biztanleak, lurpeko azpiegitura, hiri-zerbitzuak, etab.
Halaber, hiriei buruz eskuragarri dagoen informazio guztiari eta geruzen arteko interakzioei esker, hirien portaera modeliza daiteke, iragarpen-teknikak, simulazio numerikoa eta analisi deskribatzailea erabiliz.
Horrela, ikuspegi horiek aplikatzeak erabaki informatuak hartzen eta hiri efizienteago, seguruago eta jasangarriagoak sortzen laguntzen digu.