Informazio Kuantikoa Espainian ekitaldiaren 9. edizioan parte hartuko dugu
Informazio Kuantikoaren eta Teknologia Kuantikoen Espainiako Sareak (RITCE) antolatzen du ekitaldi hau, eta Espainiako informazio kuantikoaren arloko urteko erreferentziazko konferentzia da.
ICE-8k nazioarteko ikertzaileak eta komunitate zientifikoa bilduko ditu, informazio kuantikoaren arloko zientziaren eta teknologiaren alderdi nagusi guztiak jorratzeko. Ekitaldiak plataforma bakarra eskaintzen du ezagutzak trukatzeko: konputazio kuantikoa eta komunikazio kuantikoa zein metrologia eta detekzio kuantikoa eta beste teknologia kuantiko gaitzaile batzuk.
Gure adituak informazio kuantikoan
TECNALIAko adituek, saio zientifikoetan parte hartzeaz gain, networking jardueretan, erakusketetan eta beste zenbait giza interakzio tan lagunduko dute beste ikertzaile, akademiko eta industrialari batzuekin elkarrizketa eta lankidetza sustatzeko.
- Yue Banek hitzaldi bat emango du sare neuronalek lagunduriko magnetometro kuantikoei buruz (neural-network-assisted quantum magnetometer). Sentsorika kuantikoak eta metrologia kuantikoak aurrerapen nabarmenak izan dituzte, eta teknologia kuantikoen belaunaldi berriaren abangoardian kokatu dira. Aurkezpenean, sare neuronalek lagunduriko zenbait magnetometro kuantiko azalduko dira. Emaitzek erakusten dute sentsorika kuantikoaren eta sare neuronalen konbinazioak detekzio kuantikorako egokitzapen-protokoloak lortzeko bide ematen duela, eraginkortasun-erregimen zabalarekin eta zehaztasun handiarekin. Estrategia hori hainbat plataforma kuantikotan aplika daiteke, hala nola ioi harrapatuetan edo nitrogeno-hutsune zentroetan diamanteen kasuan. Espero dugu ikerketa horrek sare neuronalak teknologia kuantikoetan aplikatzea bultzatuko duela neurri handi batean.
- Estíbaliz Garrotek TECNALIA & UPV-EHU taldearen lanak aurkeztuko ditu. Talde horrek, deep learning (ikasketa sakona) sistemen bitartez, sentsore kuantikoen seinaleak prozesatzen ditu gailu kuantikoen doitasun eta sentikortasun ultraaltuko potentzialak ustiatzeko.
- Sebastián V. Romerok algoritmo bat aurkeztuko du, ordenagailu kuantikoek uler ditzaketen operadoreetan sistema kimikoak eraginkortasunez deskonposatzen dituena. Algoritmo horri esker, materialen, molekulen, farmakoen diseinuaren eta optimizazio-problemen ebazpenaren simulazio kuantikoa egin ahal izango da.