AA osasungintzan: etikaren eta araudiaren arloko gakoak, aro digital berrian lehiatzeko
Osasun-sektoreko adimen artifizialean funtsezkoak dira etika eta araudia, eta, horregatik, enpresei zuzendutako saio bat antolatu dugu, gai hori CoMPaSS-NMD proiektuak ematen duen ikuspegi globaletik lantzeko.
TECNALIAko Osasun Taldeak ekitaldi (hibrido) batera gonbidatzen zaitu: adimen artifizialak osasungintzan dituen etikari eta araudiari lotutako erronketan ardaztua egongo da, eta arreta berezia jarriko zaio CoMPaSS-NMD proiektuari.
Gaixotasun neuromuskularrak dituzten pazienteak sailkatzeko AA
Europako ekimen horretan, AAn oinarritutako metodo berritzaileak garatzen ari dira gaixotasun neuromuskular hereditarioak dituzten pazienteak sailkatzeko, genetikako, irudizko eta klinikako datu integratuak erabiliz.
- Ekitaldian aztertuko da nola diseinatu eta inplementatu era arduratsuan AAko sistemak osasun-datuen guneetan, aldi berean ziurtatuz betetzen direla datuei buruzko pribatutasun- eta etika-estandarrak.
- Arlo horretako aditu gorenek —haien artean Iñigo de Miguel doktorea eta Guillermo Lazcoz doktorea— gai giltzarriak jorratuko dituzte, hala nola datuen gobernantza, pazienteen eskubideak eta AAk doitasunezko medikuntzan duen zeregina. Haien ezagutza esanguratsua izango da, bereziki, osasun-datuen plataformetan eta ikerketa klinikoko datuen erabilera sekundarioan lanean ari diren ikertzaile eta profesionalentzat.
- TECNALIAko bi ikertzailek moderatuko dute eztabaida: Michael Obach doktorea eta Ainara Garzo doktorea. Etengabe bilakatzen ari den arlo horretan egindako azken aurrerapenei eta erronkei buruz arituko dira.
- Ainara Garzo, gainera, AIPOko (Pertsonen eta Ordenagailuen arteko Interakzioaren Elkartea) zuzendaritza-batzordeko kidea da. Erakunde hori erreferentziazkoa da pertsonen eta teknologiaren arteko interakzioaren esparruan.
Moldatu zaitez AAk osasungintzan duen panorama etiko eta arautzaile konplexuan
Aukera paregabea da ingurune dinamiko eta interaktibo batean nazioarteko iritzi-liderrekin eta lankideekin interakzioan aritzeko. Online zein aurrez aurre parte hartzeko eman izena, ezagutza baliagarriak eskuratuko dituzu AAk osasungintzan duen panorama etiko eta arautzaile konplexuan nola moldatu jakiteko.
Ez galdu aukera hau osasungintzan arduratsua den adimen artifizialaren etorkizuna garatzen laguntzeko.
*Hizkuntza: ingelesa.