Datutik erabakira: adimena energiaren erronka handiaren erantzun gisa
Smart Energy Congress & Expo 2026, enerTIC.org erakundeak sustatua, ziurgabetasun geopolitikoak eta krisi energetikoak markatzen duten une batean egingo da, non datuak adimen eragingarri bihurtzeko gaitasuna funtsezkoa baita eredu eraginkorrago, jasangarriago eta lehiakorragoetarantz aurrera egiteko. Biltzarraren 14. edizio hau IFEMAren Centro de Convenciones Norte zentroan egingo da, eta honela osatuko da: EXPO gunea, networking-gunea, bi auditorium eta digitalizazioa, efizientzia energetikoa eta jasangarritasuna bultzatzeko bost harreman-gune.
- Biltzarrean izango dira enpresa-liderrak, arduradun publikoak eta adimen artifiziala, automatizazioa eta energia-, industria- eta hiri-azpiegituren eta azpiegitura digitalen efizientzia eta erresilientzia hobetzeko, analitika aurreratua aplikatzen ari diren teknologia-adituak.
- Topagune horretan, ikuspegi estrategikoa, berrikuntza teknologikoa eta sektore anitzeko lankidetza uztartuko dira, Europak 2030erako dituen erronka handiei heltzeko, betiere lehiakortasuna ardatz hartuta: deskarbonizazioa, efizientzia, erresilientzia eta eraldaketa digitala.
Smart Energy Congress 2026 ekitaldiaren helburuak
Helburu hauek ditu topaketak:
- Ikuspegia, estrategiak, esperientziak, jardunbide egokiak eta kasu arrakastatsuak partekatzea.
- Lankidetzarako aukerak identifikatzea eta aliantzak ezartzea.
- Teknologia berriek baliabideen erabilera optimizatzeko duten egitekoari buruzko ezagutza zabaltzen laguntzea.
- Adimen artifizialaren bidez jasangarritasunarekin eta energia-efizientziarekin konprometituta dagoen marka gisa posizionatzea.
Smart Energy Congress 2026 biltzarrean trantsizio energetiko eta digitaleko eragileak izango dira, eta, erakunde laguntzailea garenez, bertan parte hartzera gonbidatzen zaitugu.