Eraikuntzaren eta eraikingintzaren etorkizunari helduko diogu BuildTech Week 2024an: robotika, automatizazioa eta biki digitala
Eraikuntzako eta Eraikingintzako Teknologiei buruzko Konferentziak (BuildTech Week 2024) aztertuko du nola eragiten ari den teknologia eraikuntzaren alderdi guztietan, eraiki aurreko fasetik hasita, bulegoan eta lekuan bertan egiten den eraikuntza-laneraino.
Urtero, sektoreko eragile nagusiak eta soluzio teknologiko berritzaileen hornitzaileak biltzen ditu konferentziak, industriaren joerak ebaluatzeko.
Soluzio- eta teknologia-sorta zabala aztertzen du ekitaldiak:
- Automatizazio-sistemak
- Eraikingintza eta eraikuntza jasangarriko teknologiak
- Plangintzarako eta eraikuntzarako softwarea
- Segurtasunarekin lotutako teknologia
- Eraikuntzako makina, erreminta eta materialak
TECNALIAko Hiri-ekosistemaren arduradun Eneritz Barreirok robotikarekin, automatizazioarekin eta biki digitalarekin lotutako soluzio teknologiko batzuk hurbilduko ditu, eraikuntzaren etorkizuna eraldatuko dutenak. Bryden Woods-eko, Exodigoko eta BIMon-eko adituekin batera jardungo du saioan.