Oinarri teknologikoko negozio-aukerak sortzeko modu berriak bilatzen dituzte enpresek, beren lehiakortasun-abantaila indartzen laguntzeko. Merkatuan dauden tresna gehienak honelako enpresei zuzenduta daude: dagoeneko eratuta daude, lantaldeak ezarrita dauzkate, balio-proposamena garatua dute eta arrisku teknologikoak arinduak dituzte.
Deep Tech Venture Building aurkeztuko dugu, zeina tresna eraginkorra baita merkatu-disrupzioak sortzeko ahalmena duten gaitasun teknologiko diferentzialetan oinarritutako negozio-aukera berriak garatzeko.
Tresna horrek enpresei ekosistema bat garatzen laguntzen die, teknologia merkatura transferitzeko prozesu orok dituen hiru ardatzekin konektatzeko aukera ematen baitie: profil zientifiko-teknologikoa duten lantaldeak (Minds), enpresa-kudeaketako profila duten lantaldeak (Management) eta inbertitzaileak (Money). Horretarako, balioa sortzera bideratutako ibilbide-orria eta inbertsio-eskema inkrementala definitzen dira.
Informazio gehiago
FIRA Barcelonak Tech Transfer Forumen barruan antolatzen duen UNPRECEDENTED webinar-sailekoa da ekitaldia; webinar horien bidez, ekonomia zirkularrarekin, digitalizazioarekin eta teknologiaren transferentziarekin erlazionatutako eraldaketen erronkei buruzko informazioa eman nahi da. Elkarrizketa industrial hauekin, sektoreak etorkizuneko erronkak gainditzearen inguruko soluzioak eta adibideak erakutsi nahi dira.