TECNALIAk laguntzaile teknologiko gisa parte hartuko du hidrogenoari buruzko EHEC 2024 Europako kongresuan
Hidrogenoaren Espainiako Elkarteak (AeH2) antolatuta, Bilbon egingo da European Hydrogen Energy Congress 2024 kongresuaren hurrengo edizioa, eta hidrogenoaren teknologien garapena globalki bultzatzen jarraitzea izan du xede.
- Edizio honetan, hidrogenoaren balio-kate osoko aurrerapen berrienak eta maila globaleko erakundeetako eta enpresetako eragile nagusiak elkartuko dira.
- Hidrogeno-teknologien azken aurrerapenak aurkezteko agertoki nagusia izango da.
- Helburua da deskarbonizazio-prozesuan hidrogenoa funtsezkoa den energia-bektore gisa sendotzea.
Hidrogenoa sortzeko, banatzeko, garraiatzeko eta biltegiratzeko teknologiak
Hidrogenoa funtsezko elementua da etorkizun hurbilean energia, industria eta mugikortasuna deskarbonizatzeko, eta, beraz, karbono gutxiko ekonomia lortzeko beharrezkoa den trantsizio energetikoa bizkortzeko ere bai. Aurreikusten da hidrogeno berdea soluzioaren parte bat izango dela Europan zero emisio garbien helburua lortzeko 2050erako, eta, hala, berotze globala eta klima-aldaketa saihestu ahal izateko.
TECNALIAk 20 urte daramatza hidrogenoa sortzeko, banatzeko, garraiatzeko eta biltegiratzeko teknologiak garatzen eta eskalatzen: EHECren edizio honetan laguntzaile teknologiko gisa parte hartuko du.