Eraikuntzako soluzio fotovoltaiko integratuen (BIPV) ebaluazioari eta arauen erronkei buruzko web-mintegiaren eduki nagusia:
Gaur egun, helburu saihestezin bihurtuak daude energia-balantzea zero duten eraikinak (ZEB) eta dagoeneko eraikia dagoen parkearen deskarbonizazioa. Testuinguru horretan, indarrez ari da zabaltzen eraikinen inguratzaileetan soluzio fotovoltaikoak (BIPV – building integrated photovoltaics) txertatzea. Zabaltze masiborako bidean, ordea, erronka teknikoak, araudiari dagozkionak eta estandarizaziokoak daude, zeinak merkaturatzea eragozten baitute.
Web-mintegi hau Susana Santamaríak emango du. TECNALIAko produktuaren segurtasun-laborategiko aditua da, eta gai hauei buruzko ikuspegi argi eta eguneratua azalduko du:
- Zer da BIPV modulu bat?
- Sektoreko erronkak.
- BIPVren estandarizazioaren bilakaera (2014-2026)
- Nola heltzen dio TECNALIAk BIPVren karakterizazioari?
- Kasu praktikoak.
Norentzat da?
Inguratzaileetako materialen fabrikatzaileak, BIPVren garatzaileak, arkitektura-estudioak, ingeniaritzak, saiakuntza-laborategiak, ziurtatze-arduradunak eta administrazio publikoetako teknikariak.
Zergatik ezin duzu huts egin?
Saioari esker, ulertuko duzu nola aldatzen den araudi-esparrua, zer saiakuntza izango diren ezinbestekoak datozen urteetan, eta nola aurreratu Europako baldintzak betetzen dituzten BIPV-soluzio seguru eta fidagarrien merkaturatzea.