Iraultza berri batean murgilduta dago Europako industria kimikoa. Jasangarritasunari, zirkulartasunari eta beste kontzeptu batzuei esker, gaur egun ditugun mugetako batzuk gaindituko dira: produktu eta prozesuen bizi-zikloaren linealtasuna, baliabideak agortzea, berotegi-efektuko gasen emisioak, kutsadura eta ekonomia deskarbonizatzeko premia.
Testuinguru horretan, biomasak eta iturri biologikoko lehengaiek garrantzi handia izango dute: eraldaturik, produktu kimiko biooinarrituak, produktu berriak eta energia bilakatuko dira, eta fabrikatzeko lehengai fosilen beharra duten produktuak ordeztuko dituzte.
Programa
- Europa guztian arrakasta izan duten industria biooinarrituen adibideak aurkeztuko ditugu.
- Eredu produktiboak ekonomiaren eta gizartearen beharren arabera eraldatzeko aukera berriak identifikatuko ditugu.
- Gai hauekin erlazionatutako aukerak erakutsiko ditugu: balio erantsi handiko lehengaiak fabrikatzea iturri berriztagarrietatik eta azpiproduktuetatik abiatuta; bilgarri erabat birziklatuak eta birziklagarriak egiteko materialen garapena; ibilgailuak fabrikatzeko material biooinarrituen garapena; eta produktu biooinarrituak merkaturatzea oztopatzen duten mugak haustea.
Informazio gehiago
- Webinarra ingelesez izango da.