Bero-ponpak funtsezko teknologia dira premia termikoak elektrifikatzeko. Erronka bat dute, ordea: GWP (Global Warming Potential)baxuko hozgarriakerabiltzen hastea.
Programa
- Etxeko sektorerako bero-ponpetarako garapen berritzaile batzuk aurkeztuko dira: hozgarri naturalak, hala nola CO2-a (R744) eta propanoa (R290), erabiltzen dituzten bero-ponpak.
- Ponpa horiek energia berriztagarrien iturriei lotutako trigenerazio-sistemetan txertatzeari buruz hitz egingo da.
- Galdera hauei erantzungo zaie ekitaldian:
- Posible da bero-ponpa dual bat diseinatzea, zundaketa geotermikoetatik sortutako ur glikolatuarekin, zuzenean airearekin edo aldi berean biekin beroa trukatzeko gai dena?
- Posible da CO2-ko errendimendu oneko bero-ponpa bat sortzea, ur berorako ez ezik berogailurako ere balioko duena?
- Berrikuntza horiekin lotutako aukerak aztertzeko ere baliatuko da jardunaldia. Horretarako, talde-dinamikak egingo dira, gaur egungo egoeran, zeinean F-Gasen eragina nabarmena baita, fabrikatzaileek eta instalatzaileek zein behar dituzten aztertzeko.
Informazio gehiago
Adierazitako aurrerapenak “Hozgarri naturalak eta iturri berriztagarriak (TRI-HP) erabiltzen dituzten bero-ponpetan oinarritutako trigenerazio-sistemak" europar proiektuaren barruan egin dira, eta haien helburua da energia primario gutxiago erabiltzea eta berotegi-efektuko gas gutxiago sortzea, sistema konbentzionalekin alderatuta.
Proiektu honek Europar Batasunaren ikerketako eta berrikuntzako Horizon 2020 programaren finantziazioa jaso du, 814888 zenbakiko dirulaguntzaren bidez.