Expoquimiak eta TECNALIAk “Hydrogen Day” antolatu dute elkarrekin, Kimikaren Nazioarteko Topaketaren esparruan.
“Industria, gizartea eta jasangarritasuna lotzen” lelopean, Expoquimiaren 20. edizioan industria kimikoaren lagin zabal bat izango da. Sektore hori funtsezkoa da gizartearen garapen ekonomikorako eta ongizaterako.
Equiplastekin batera egingo da Expoquimia, eta 530 enpresatik gora bilduko dira topaketan; hala, 900 markatik gora ordezkatuko dira erakusketan, azken nobedadeen eta berrikuntzen berri emateko. Ekitaldiak lau ardatz estrategiko izango ditu: hidrogenoa, ekonomia zirkularra, digitalizazioa eta teknologiaren transferentzia.
Hydrogen Day: maiatzak 30
Edizio honetan, Expoquimiak, Bartzelonako Firako Kimikaren Nazioarteko Topaketak, eta TECNALIAk elkarrekin antolatu dute “Hydrogen Day”. Maiatzaren 30ean izango da jardunaldia, industrian hidrogenoa erabiltzeak dakartzan erronkak eta aukerak aztertzeko.
Arlo horretako zenbait adituk aztertuko dute energia-iturri hori gero eta gehiago erabiltzearen ondorioz enpresek zer erronkari egin beharko dieten aurre, industrian bideragarria izan dadin. Enpresa aitzindari hauetako ordezkariek dagoeneko baieztatu dute parte hartuko dutela: Iberdrola, Repsol, Nortegas, Sener, Carburos Metálicos, Enagás, H2Site, Team, Indox, Sarralle, Jolt eta Port de Barcelona, besteak beste.
“Hidrogen Day” jardunaldian osoko bilkura bat eta lau mahai-inguru izango dira, gai hauek aztertzeko:
- Hidrogenoa sortzea
- Banaketa eta biltegiratzea
- Erabilera industrialak
- Arlo horretan behar diren prestakuntza-planak.
Merkatuan dagoeneko badauden soluzioak ere azalduko dira, batez ere enpresa txiki eta ertainek energia-iturri berri hori modu ekonomikoki eskuragarri eta jasangarrian balia dezaten.
Eskatu gonbidapena
- Doako gonbidapen bat eska diezagukezu harremanetarako botoiaren bidez.