Fabrikazio aditiboaren alorreko Europako azokarik garrantzitsuena da FORMNEXT. Azaroaren 13tik 16ra, energia zuzenduaren bidez jalkitzeko teknologien (DED) azken aurrerapenak aurkeztuko ditugu.
Ekimen eta teknologia hauek jarriko ditugu ikusgai Frankfurten:
- PARADDISEren emaitzak: fabrikazio-prozesu hibrido baten garapena, non azken belaunaldiko mekanizazioaren eta LMD (Laser Metal Deposition) bidezko fabrikazio aditiboaren abantailak uztartzen diren. Bi prozesu horien arteko sinergiari esker, eraginkortasun-, doitasun-, sendotasun- eta produktibitate-maila handiko prozesu bat lortu da, zenbait sektoretarako lagungarri: aeronautika, matrizeak, moldeak, automobilgintza eta abar.
- Kautxu-estrusiozko torlojua: altzairu konbentzionalez egin dira torlojuaren hariak, LMD bidez, eta higaduraren aurkako aleaziozko geruza bat gehitu zaio, torlojuaren balio-bizitza luzatzearren.
- WAAM teknologiaz (Wire Arc Additive Manufacturing) fabrikatutako titaniozko piezak: prozesua kontrolatzeko eta monitorizatzeko TECNALIAn garatutako sistema erabili da, eta Binder jetting bidez fabrikatutako altzairu herdoilgaitzezko piezak.