Genera azokan izango gara, energiaren eta ingurumenaren industriarako plataforma handienean.
385 erakusketari eta 18.000 m2-ko erakusketarekin, azoka bere edizio nazioartekoenera iritsi da. Ekitaldian jardunaldi teknikoen programa zabala izango da. Sektoreko adituak bilduko ditu espazioak, energia-trantsizioari, deskarbonizazio-prozesuei, energia-komunitateei eta hidrogeno berdeari buruzko alderdiak aztertu eta eztabaidatzeko, besteak beste.
TECNALIAren parte-hartzea
José Luis Corrales Ciganda TECNALIAko Sistema Termiko Efizienteetako senior ikerlariak “Efizientzia-jarduketak, egonkortze energetikoko tresna gisa” jardunaldian parte hartuko du. Jardunaldi hori Energia, Ingurumen eta Teknologia Ikerketetarako Zentroak (CIEMAT) antolatzen du.
- José Luisek mintzagai izango du industriako eskari termikoen elektrifikazioa, deskarbonizazio lehiakorrerako mekanismo gisa.
- Bere ezagutza partekatuko du, tenperatura altuko bero-ponpa tenperatura baxuko beroa balorizatzeko teknologia giltzarri gisa eta teknologia eta bektore energetiko ez-berriztagarrien ordezko gisa.
Nori zuzentzen zaio Genera azoka
Generaren eskaintza energia-efizientziaren eta energia berriztagarrien arloari loturiko profesionalen multzo zabalari zuzentzen zaio, klima-neutraltasunerako konpromisoarekin.
- Energia-erabiltzaile industrialak
- Ekipoen fabrikatzaileak eta banatzaileak
- Instalatzaileak eta mantentze-enpresak
- Eraikuntzako profesionalak
- Administrazio publikoak