Bilboko Ingeniaritza Eskolak (EHU), TECNALIArekin lankidetzan, "Deskarbonizazio industrialean aditua" ikastaroa aurkeztu du
Ikastaroan konbinatu egiten dira eduki tekniko eguneratua, ikuspegi estrategikoak eta etorkizuneko industrian berrikuntza eta lehiakortasun iraunkorra sustatzera bideratutako ikuspegi praktikoa; EHUren etengabeko prestakuntzaren parte da.
- Prozesu industrial jasangarriagoetarako trantsizioan konpetentziak eguneratzeko diseinatuta dago.
- Industriak klima-aldaketari egiten dion ekarpena minimizatzea lantzen da, eta energia berriztagarrietarako trantsizioa, teknologia eraginkorragoen erabilera eta karbono gutxiko ekonomia bultzatzen duten praktika jasangarrien ezarpena aztertzen.
- Prozesu adimendun, malgu eta jasangarrien bidez industriaren lehiakortasuna hobetzeko erabil daitezkeen soluzioetan oinarritzen da.
Zer ikas dezakezu?
- Berotegi-efektuko gasen emisioak murrizteko estrategiak.
- Trantsizioa energia berriztagarrietara eta teknologia eraginkorragoetara.
- Karbono-emisio txikiko ekonomia sustatzen duten jardunbide iraunkorren ezarpena.
- Prozesu adimendun, malgu eta jasangarrien bidez industriaren lehiakortasuna hobetzeko erabil daitezkeen soluzioak.
Hartu aurrea zure sektorearen beharrei
Nori zuzendua dagoen titulazio ofizial hau: testuinguru eta marko teoriko osoaren ikuspegi osoa lortuz eta benetako erabilera-kasuen bidez tresna praktikoak erabiltzen ikasiz beren karrera profesionala bultzatu nahi duten industriako profesionalak.
Irakasgai nagusiak:
- Energia Termiko Berriztagarria: biomasatik energia termikoa eta bioerregaiak lortzen eta, hala, bioekonomia zirkularra bultzatzen ikasiko duzu. Ikasi, industria jasangarriagoa lortzeko, energia geotermikoaren ustiapen praktikoari eta transformazio-teknologiei buruz.
- Ingeniaritza Energetikorako Teknologia Emergenteak: energia sortzeko teknologia berritzaileenak aztertzen dira; itsas energiak, karbonoa atzitzea eta metatzea, bero-ponpak eta sistema hibridoak. Presta zaitez trantsizio energetikoan eragina duten soluzioak diseinatzeko.
- Hidrogenoa eta Energia Metatzea: bihurtu zaitez aditu etorkizuneko energia-bektorean. Ikas ezazu nola ekoitzi, biltegiratu eta erabili hidrogenoaeta energia berriztagarrien integrazioa eta erabileraren segurtasuna bermatzeko beste metatze-sistema batzuk.
- Energiaren Ekonomia: ulertu nola funtzionatzen duten energia-merkatuek eta menderatu merkaturatzeko, arriskuak kudeatzeko eta energia-komunitateak garatzeko estrategiak. Indartu zure profil teknikoa enpresa-ikuspegiarekin.
- Energia eta Jasangarritasuna: zeureganatu energia-sektorearen ikuspegi globala; politikak, etorkizuneko egoera posibleak, ekonomia zirkularra eta mugikortasun jasangarria. Ikasi iraunkortasuna txertatzen industriaren eraldaketaren buru izateko erabaki estrategiko bakoitzean.
Ikastaroari buruzko beste datu interesgarri batzuk
- Iraupena: 149 ordu (14,9 ECTS kreditu)
- Modalitatea: presentziala Bilboko Ingeniaritza Eskolan (EHU)
- Hizkuntza: gaztelania
- Zuzendaritza akademikoa: Natalia Alegría