Nahi al duzu industriako zibererasoei buruzko saio praktikoetan parte hartu eta haiei modu eraginkorrean aurre egiten ikasi?
Bigarren urtez jarraian, 2022an izandako arrakastaren ondoren, Araba 4.0k industriako zibererasoei buruzko saio praktikoak antolatu ditu.
Simulazio horien bidez, zehatz-mehatz ikusiko duzu eraso batek nola eragin diezaiokeen industria-instalazio bati, bai eta behar bezala nola erantzun ere.
Jardunaldi horiek guztiz praktikoak dira eta bi zatitan banatuta daude, bakoitza bi saioz osatua. Jardunaldietan industria-planta bati eraso egiteko moduaren simulazio zehatza egingo da, horrek dakartzan ondorioak aztertuko dira eta modu eraginkorrean nola erreakzionatu ikasiko dute parte-hartzaileek.
Saioak Cyber-Range berritzailean egingo dira, hau da, zibersegurtasuneko profesionalak trebatzeko eta entrenatzeko diseinatutako Europako abangoardiako instalazioan.
Zibersegurtasunaren garrantzia estrategia teknologikoan
Gaur egun, zibersegurtasuna da edozein erakunderen estrategia teknologikoaren zutabe nagusia. Funtsezko elementua da mota guztietako enpresen digitalizazio-prozesuan, bereziki enpresa industrialetan. Zibersegurtasun-neurriei buruzko kontzientzia handitzen ari da etengabe; izan ere, 2023an ETEak izan dira zibererasoen jomuga nagusietako bat. Zibereraso baten batez besteko kostua 35.000 eurokoa da ETE batentzat, eta, harrigarria bada ere, Espainiako enpresen % 94k izan zituzten zibersegurtasunarekin lotutako arazoak iaz.
- Egitaraua eta izen-emateak, 1. zatia (urriaren 23an eta 24an)
- Urriaren 23an, 1. SAIOA: Cyber-Range erabiltzeko gaikuntza (4 ordu). Ordutegia: 9:00etatik 13:30era
- Urriaren 24an, 2. SAIOA: Red Team I – OT sare baten aurkako erasoa IT sare batetik (5 ordu) Ordutegia: 9:00etatik 14:30era
- Egitaraua eta izen-emateak, 2. zatia (urriaren 30ean eta 31n)
- Urriaren 30ean, 3. SAIOA: Red Team II – OT sare baten aurkako erasoa (6 ordu) – Urriaren 30ean, 9:00etatik 15:00etara
- Urriaren 31n, 4. SAIOA: Blue Team (5 ordu) – Urriaren 31n, 9:00etatik 14:00etara
Bigarren zatia maila aurreratuagoa eta profesionalagoa duen publikoari zuzendua dago. Lehenengo zatia hastapen-saio moduan hartzen da.
Ez galdu zibersegurtasun industrialaren arloan hil ala biziko trebetasun praktikoak eskuratzeko aukera hau. Eman izena orain!
*Toki-kopuru mugatua.