Klima-aldaketari eta trantsizio energetikoari buruzko maiatzaren 20ko 7/2021 Legearen ondorioak hirigintzan
7/2021 Legea mugarria izan da Estatuan ekintza klimatikoari dagokionez, eta, bereziki, klima-aldaketaren inpaktuetara egokitzeari dagokionez. Legeak aurreikusten du klima-aldaketak eragindako arriskuak politika sektorialen planifikazioan eta kudeaketan sartzea, hala nola politika hidrologikoan, kostan, lurralde- eta hirigintza-politiketan, hiri-garapenean, eraikuntzan eta garraio-azpiegituretan, elikagaien segurtasunean eta dietan, eta osasun publikoan.
Garrantzi berezia du azken xedapenetako laugarrenak, zeinak urriaren 30eko 7/2015 Legegintzako Errege Dekretuak onartutako Lurzoruaren eta Hiri Birgaitzearen Legearen testu bategina aldatzen baitu. Xedapen horrek barne hartzen du klima-aldaketak lurzoruaren erabileren antolamenduan dakartzan arriskuak kontuan hartzeko beharra, eta eraikingintzaren kalkulua eta diseinua eta garraio-azpiegiturak klima-aldaketara egokitzeko beharra.
Hirigintza-plangintzari aplikatu beharreko errekerimendua
Jardunaldi honen helburua da hirigintza-plangintzari aplikatu beharreko errekerimendu berriari erantzuteko baliabideak, hurbilketak eta adibideak erakustea.
Webinarra toki-administrazioetako (udalak eta foru-aldundiak), administrazio autonomikoetako eta estatuko administrazio orokorretako teknikariei eta politikariei zuzenduta dago.
- Webinar pribatua da, eta gonbidapena behar da parte hartzeko.