Laredoko Puebla Viejaren populazioa biziberritu eta ondarea birgaitzeko jardunaldian parte hartu dugu
Laredoko alde zaharrean —Puebla Vieja deitzen diote—, eliza, etxetzar, plaza, harresi eta besteren altxor artistiko eta historiko baliotsua dago. Inguru horretarako etorkizun oparoa eraikitzeko asmoz, abuztuaren 17an Laredoko Puebla Vieja salbatzea jardunaldia izango da.
TECNALIAren parte-hartzea
- Laredoko Puebla Viejaren populazioa biziberritu eta ondarea birgaitzeko proposamenak partekatuko dira jardunaldi horretan.
- Igone Revillak, TECNALIAko Hiri, Lurralde eta Ingurumen Proiektuen zuzendariak, TECNALIA lantzen ari den Repuebla proiektua aurkeztuko du.
- Repueblaren helburua da Laredoko Puebla Viejako birgaitze eta aktibazio sozioekonomikoaren plan estrategikoa garatu eta kudeatzea.
Sarrera libreko ekitaldia da, eta Kantabriako Gobernuko Kultura Ondarearen eta Memoria Historikoaren Zuzendaritza Nagusiak antolatu du, ACANTO Federazioarekin, Laredoko Ondarearen Lagunen Elkartearekin eta Laredoko Udalarekin batera.