Mikrofluido-gailuen fabrikazio industriala bultzatzen dugu
Datorren abenduaren 3an, webinar bat emango dute Ane Ayerdi eta Verónica Mora biomaterialetako aditu eta osasunaren arloko ikertzaileek: "Lab-on-a-chip (LoC) teknologiak monitorizazio biologikorako: hartzidura-prozesu industrialetako jarduera entzimatikotik in vitro eginiko kultibo neuronaleko aplikazioetara".
- Onlineko tailer hori NextGenMicrofluidics ekimenaren barruan antolatua da, eta 21 enpresa eta ikerketa-erakundek lab-on-a-foil sistema mikrofluidikoen garapenaren balio-kate osoan dituzten gaitasunak konbinatzen ditu.
- Gainera, sistema horiek garatzeko eta ekoizteko zerbitzuak eskaintzen ditu enpresentzat, bai start upentzat, bai eskala handiko industriarentzat.
Mikrofluido-gailuen fabrikazio industriala
Webinar honetan, TECNALIAk gidaturiko bi erabilera-kasuren emaitzak aurkeztuko dira:
- Txip mikrofluidikoak, zelula neuronalak hazteko eta axoien hazkundea monitorizatzeko (Ane Ayerdi Izquierdo / TECNALIA).
- Jarduera entzimatikoa monitorizatzea egoera solidoko hartzidura-prozesu industrialetan, R2R fabrikazioarekin bateragarria den LoC kolorimetrikoan oinarrituta (Verónica Mora Sanz / TECNALIA).
Microfluidics Innovation Hubak (MIH) bezeroen eskura jartzen du Europako ikerketa-zentro eta enpresa nagusietan landutako abangoardiako teknologia mikrofluidikoen sorta zabal bat.
** Webinar hau ingelesez izango da.