Veltis Ratingek eta TECNALIAk antolatu dute higiezinen sektoreari eta haren arriskuei buruzko solasaldia, adimen artifiziala eta smart data ardatz hartuta
Datorren asteartean, apirilak 9, "Nola ezagutu eta kontrolatu higiezin-arriskua inbertsioan eta finantzaketan" solasaldia egingo da Madrilen, arreta berezia jarrita adimen artifizialean eta smart datan, arrisku-aringarri gisa. Veltis Rating-ek, TECNALIAren partaidetzapeko enpresetako batek, antolatu du ekitaldia, TECNALIArekin, Lar taldearekin eta Tecnitasa taldearekin batera.
Solasaldi honetan hainbat gai landuko dira: nola murriztu arriskua higiezin-aktiboak erostean eta kudeatzean adimen artifizialeko laguntzaile baten laguntzarekin, ziurgabetasuneko uneetako higiezin-inbertsioa, arriskuak aktiboen balioan duen eragina eta banku-erakundearentzat aktiboaren arriskua kontrolatzeko tresnak erabiltzeak duen garrantzia.
Hiru mahai-inguruk osatzen dute ekitaldia:
- 1. mahai-ingurua: analisien erronkak eta higiezin-eragiketetako arriskuak. Moderatzailea: doValue. Parte-hartzaileak: Grupo Lar, APCE España eta Tecnitasa taldea.
- 2. mahai-ingurua: smart data eta adimen artifiziala higiezinen sektoreko arriskuak aztertzeko. Moderatzailea: MAD FinTech. Parte-hartzaileak: Veltis Rating eta Ceprede.
- 3. mahai-ingurua: klima-arriskuak eta horien eragina bankuetan Moderatzailea: TECNALIA. Parte-hartzaileak: Kutxabank, AEB (Espainiako Banka Elkartea) eta Ceca.
- Azkenik, tarte bat egongo da hizlarien eta antolatzaileen arteko harremanak indartzeko eta networkingerako.
TECNALIAko eta Veltis Rating-eko parte-hartzaileak
- Efrén Feliuk, TECNALIAko Klima Aldaketara Egokitzearen arduradunak, "Klima-arriskuak eta horien eragina bankuetan" mahai-ingurua moderatu du, eta Espainiako Banka Elkarteko, Kutxabankeko eta Cecako hizlariek parte hartuko dute.
- Halaber, Ricardo Antuñak, Veltis Rating-eko CEOak, “smart data eta adimen artifiziala higiezinen sektoreko arriskuak aztertzeko” mahai-inguruan hartuko du parte, Ceprederekin batera.