Osasun-datuen espazio berriaren aukerak: osasungintzako ekosistemaren topagunea
Apirilaren 25ean, “Osasun-datuen Europako gune berria osasungintzako ekintzailetza-ekosistemarako aukera gisa” jardunaldia egingo da, TECNALIAk EIT Health Spain eta Basque Health klusterrarekin batera antolatuta.
Euskadiko eta Espainiako osasungintzako ekosistema osatzen duten eragileentzat erreferentziako topagune izateko asmoz sortu da ekitaldia. Europako datu-espazio berriak sektoreari ekarriko dizkion paradigma eta aukerei buruz ikuspegi bat baino gehiagotatik eztabaidatzean datza haren balioa.
Inbestitzaile, enpresa eta ekintzaileen arteko lotura
Askotariko interesdunen artean zubiak eratzeko ahalmena du jardunaldi honek: inbestitzaileak, enpresa eragileak, osasungintzako zerbitzuak, ekintzaileak (startupak eta bai ETEak) eta beste eragile gako batzuk (zentro teknologikoak, akademia eta erreferentziako elkarteak, hala nola EIT Health eta Basque Health klusterra).
Parte hartuko dute, besteak beste, Idoia Muñoz Basque Health klusterraren zuzendariak, Izabel Alfany EIT Health Spainen zuzendariak eta Borja Bonail TECNALIAko ikertzaile eta IA, robotika eta Osasun Digitaleko adituak.