Proteina-iturri berriak: InnoProteinen aurrerapenak

TECNALIA InnoProtein proiektuaren buru da, eta proteina jasangarrien iturri berriak aztertzen ditu

**Proiektuko bazkideentzako ekitaldi pribatua

2050ean, munduko biztanleria 10.000 milioi pertsonara iritsiko da, aurreikuspenen arabera; hori dela eta, argi dago premiazkoa dela kalitate handiko proteina jasangarriak ekoiztea. EBk duen proteina-defizitak areagotu egiten du proteina jasangarrien iturri alternatiboen beharra, hainbat merkatu hornitzeko.

Eskaera gero eta handiago horri erantzuteko, InnoProtein Europako proiektua sortu zen, TECNALIA buru zela.

• Ekimenak elikagai, pentsu eta beste helburu batzuetarako produktu berritzaileak garatuz erantzuten dio erronkari.
• EBren proteina-arrakala eta ingurumen-inpaktua murrizten duten soluzioak sustatzen ari gara, proteina-iturriak aprobetxatuz (hala nola mikroalgak, onddoak, bakterioak eta intsektuak) eta haiek erauzketa-teknika aurreratuekin konbinatuz.

Aurrerapen berriak eta partzuergoaren hitzordua

TUDUBLINek bere instalazioetan hartuko du InnoProtein Europako proiektuaren partzuergoa. Urtarrilaren 18an eta 19an izango da hitzordua. Egun horietan, partzuergoaren bigarren bilera egingo da, eta, bertan, azalduko da zer aurrerapen egin dituen proiektuak ordura arte eta zer urrats egin beharko diren hurrengo sei hilabeteetan.

Zirkulartasuna eta zero hondakina

Adituen partzuergoak, zero hondakinaren ikuspegi zirkularra hartuta, hondakinak minimizatzen dituen negozio-eredu bat sartzen du, bioplastiko, bioestimulatzaile, hartzidura-bitarteko eta bioenergia-iturri bihurtzen baititu biomasa eta ekoizpen-fluxuak, estrategia bideragarri bat lortzeko ekonomiaren, gizartearen eta ingurumenaren ikuspegitik.

Proteina-iturri berriak: InnoProteinen aurrerapenak

Proiektuak, zeinean TECNALIA baita buru eta 14 kidek parte hartzen baitute, EBko proteina-defizitaren erronkari erantzuteko giza eta animalien elikaduran aplikatzeko proteina jasangarrien iturri alternatiboak (hala nola mikrobioen —mikroalgak, onddoak eta bakterioak— eta intsektuen proteinak) aztertzen ditu, eta, hala, Europaren proteina-autosufizientzia bizkortzen du. Hori guztia, proteina-iturri berri horiek lortzeko prozesuan zirkulartasunera eta zero hondakin sortzera bideratutako ikuspegiarekin.