FITUR TechY 2026n parte hartuko dugu, teknologiari esker turismo konektatuagoa, jasangarriagoa eta pertsonetan zentratuagoa bultzatzeko.
Urtarrilaren 21etik 23ra, FITUR TechYn izango gara, IFEMA Madrid-eko turismo-berrikuntzako foroan; teknologia pertsonak, emozioak eta jasangarritasuna lotzen dituen aliatu nola bihurtu daitekeen eztabaidatuko dugu han.
Izan daitezke bidaiak gizatiarragoak teknologiari esker?
Aro digital bete-betean, non adimen artifizialak erreserbak kudeatzen dituen eta algoritmoek esperientziak diseinatzen dituzten, erantzuna ikuspegia aldatzean datza: teknologiak ez du gizakia ordezkatzen, lagundu egiten dio.
- Hori izango da FITUR TechY 2026ren ardatz nagusia, zeina FITURek eta Hotel Institutu Teknologikoak (ITH) antolatu baitute.
- "Robotetik aliatura" lelopean, teknologia pertsonak, emozioak eta jasangarritasuna konektatzen dituen aliatu nola bihurtu daitekeen hausnartzera gonbidatzen du ekitaldiak.
Turismo gizatiarragoa eta jasangarriagoa
Turismoaren sektoreak inflexio puntu bat bizi du. Berrikuntza ezin da eraginkortasun operatibora mugatu; giza balioei, jasangarritasunari eta asmoari ere erantzun behar die.
- TECNALIAn, turismoa eraldatzeko adimen artifiziala, automatizazioa eta teknologia aurreratuak integratzen dituzten soluzioak garatzen ditugu.
- Berrikuntza pertsonen eta planetaren zerbitzura egon dadin lan egiten dugu. Adibidez, bidaiariaren esperientzia pertsonalizatzen duten sistema adimendunak eta helmugaren kudeaketa optimizatzen eta ingurumen-inpaktua murrizten duten tresnak.
Urrunago begiratzeko eztabaida
Urtarrilaren 23an, 13:00etan, mahai-inguru honetan parte hartuko dugu, sektoreko adituekin batera: "Gehiegizko informazioaren aroan bidaiatzea: soziologia, humanismoa eta etorkizuna".
- Jesús Herrerolankideak, TECNALIAko turismo-segmentuaren arduradunak, digitalizazioak dakartzan erronkei buruz hitz egingo du, eta azalduko du nola bihurtu daitekeen teknologia esperientzia gizatiarragoak eta jasangarriagoak sortzen dituen aliatu.
- Turismoaren etorkizuna ez da izango mundu automatizatu bat, baizik eta mundu konektatu bat, non berrikuntzak lagunduko digun hobeto bidaiatzen, gehiago sentitzen eta inguratzen gaituena zaintzen.