Saiakuntza elektrikoak egiteko dugun eskaintza erakutsiko dugu Middle East Energy Dubain, energia-sektoreko mundu mailako erreferentzian
Aurten ere, TECNALIAren laborategi elektrikoak Middle East Energy 2023 azokan izango dira. Azoka hori energiaren nazioarteko erreferentzia handia da Ekialde Ertainean, eta urtero elkartzen ditu Dubain mundu osoko sektore horretako fabrikatzaileak, konpainia elektrikoak eta profesionalak.
Middle East Energy (MEE) munduko nazioarteko azoka nagusia da sektore elektrikoan, sorkuntzari, garraioari eta banaketari dagokienez. Azken edizioan, pandemiaren osteko lehenean, 65.000 m2-ko azalera hartu zuen, 126 herrialdetako 1.500 erakusketari baino gehiagorekin, eta 60.000 profesionalek baino gehiagok bisitatu zuten.
Ekipamendu elektrikoen gure laborategiak hamar urte baino gehiago daramatza azokan parte hartzen. Dubaiko etengabeko presentzia horren bidez, harreman komertzialak sendotu ditugu ekipamendu elektrikoen tokiko fabrikatzaileekin, Ekialde Ertaineko konpainia elektriko nagusien aldetik dugun aintzatespenari esker, eta erreferentziako laborategi gisa finkatu gara zenbait herrialdetan, hala nola Arabiar Emirerri Batuetan, Saudi Arabian eta Omanen.
TECNALIAko ekipamendu elektrikoen laborategiek ENAC ILACen ISO 17025 arauaren araberako ziurtagiria dute, eta mundu osoan dauden ziurtapen-erakundeek aintzatesten dituzte.
Produktuen eremuak
- Banaketa-transformadoreak
- Neurketa-transformadoreak
- Erdi- eta goi-tentsioko kableak eta osagarriak
- Behe-tentsioko koadroak
- Erdi-tentsioko gelaxkak
- Inbertsoreak, bihurgailuak, kargatze-zutoinak
- Isolatzaileak eta tapa-zeharkatzekoak
- Segurtasun elektrikoko ekipamenduak
- Babes-, neurketa- eta kontrol-ekipamenduak
- Beste asko…
Bisita gaitzazu H2-E35 standean
Bisitatu gure standa, hitz egin gure adituekin sare elektrikoetarako adostasuna ebaluatzeko eta produktua ziurtatzeko zerbitzuetan ditugun berrikuntzei buruz, eta jakizu produktuen azken arauen berri.
Gure standean, erakusgai izango dugu zer zerbitzu ditugun gure laborategi elektrikoetan adostasuna ebaluatzeko eta ziurtagiriak emateko banaketa elektrikoaren eta garraio-sareen alorrean, sare elektriko adimendunak edo smart gridak barne.
- Eskatu zure doako pase profesionala!
- Middle East Energy Dubaira joan nahi baduzu, jarri gurekin harremanetan, eta doan bidaliko dizugu azokarako gonbita. Aitor Kortajarena.