INKOLAN & Tecnalia
Biki digitalak, INKOLAN eta TECNALIAren proiektua
“Izan ere, gaur egun, datuetan oinarritutako berrikuntza tresna garrantzitsua da etorkizuneko hiri-ereduak definitzeko”, Patricia Molina, TECNALIAko Hiri, Lurralde eta Ingurumeneko zuzendaria.
“
“TECNALIArekin batera, etorkizuneko hirien eraldaketa digitala eraginkortasunez lantzen dugu, faktore bereizgarri bat baliatuz: datuak”
“Digitalizazioa funtsezkoa da etorkizuneko hiriak diseinatzeko”
INKOLANen historia
INKOLANek parte hartu nahi du etorkizuneko lurraldeen diseinuan, zerbitzu publikoen sareei buruzko informazioa atzitzeko soluzio adimendunak eskainiz.
Horretarako, uraren, gasaren, elektrizitatearen, telekomunikazioen eta udal-sareen azpiegiturei buruzko informazio digitala ematen dute, online, beren plataformaren bidez.
Elektrizitatea, gasa, telekomunikazioak eta ura hornitzen dituzten herrialdeko enpresa garrantzitsuenak dituzte, eta udal-sare zabal batek ere Inkolanen eskura jartzen du informazioa.
INKOLAN + TECNALIA lankidetza
INKOLAN eta TECNALIAren arteko lankidetzak garrantzi berezia du, elkarrekin lan egin baitugu hiri-inguruneekin erlazionatutako biki digitalak diseinatzen eta aplikatzen.
Hiri bateko uraren, gasaren, elektrizitatearen, telekomunikazioen eta udal-sareen azpiegiturak birtualki erreplikatzen dituen software-arkitektura bat da. Horrela, datu adimendunei esker, haien funtzionamendua modu global eta integratuan uler daiteke.
Hiriaren eredu digital horri esker, egoerak azter, modeliza, simula eta iragar ditzakegu, eta, hala, erabakiak hartzeko prozesuak hobetu, hiriaren eguneroko kudeaketari edo epe luzeko hiri-ereduaren plangintzari buruzko gaiei dagokienez.
“Datu horiek guztiak elkarrekin eta testuinguruarekin erlazionatuta, hiri adimendunagoak, jasangarriagoak eta pertsonen beharretara egokituagoak bultzatzeko gai izango gara”, azpimarratu du Lucía Alcíbar INKOLANeko Negozio Garapeneko zuzendariak.