Elektrizitatea garraiatzeko eta banatzeko sarea osatzen duten ekipamenduetan behe-tentsioko saiakuntza elektrikoak egiteko azpiegitura.
Kokapena
Deskribapena
Behe-tentsioko laborategi honetan, berotzearen eta ziklo termikoen saiakuntzak, babes-maila egiaztatzekoak (IP eta IK) eta nazioarteko araudietan zehaztutako askotariko saiakuntzak egiten ditugu.
Ganbera klimatikoak ditugu saiakuntza horiek zenbait giro-baldintzatan egiteko, hala nola hezetasunari eta tenperaturari dagozkienetan.
Era berean, askotariko produktuei egiten dizkiegu saiakuntzak, behe-tentsioko kaxei, banaketa-transformadoreei, behe-tentsioko etengailuei, babes-erreleei eta fusible-etxeei, esate baterako
Saiakuntza elektrikoen gure zerbitzua beste laborategi eta instalazio akreditatu batzuek osatzen dute, zeinek aukera ematen baitigute zerbitzu esklusiboa eta nazioartean erreferentziazkoa emateko, ekipamendu elektrikoak ebaluatzeko eta ziurtatzeko.
Nori zuzendua
- Beren produktuak nazioarteko araudien arabera baliozkotu behar dituzten ekipamendu elektrikoen fabrikatzaileak.
Akreditazioak eta aintzatespenak
Saiakuntza elektrikoetarako ENAC ILAC akreditazioa ISO 17025 arauaren arabera (espediente-zk.: 4/LE148)
Bateragarritasun elektromagnetikoari (EMC) buruzko 2014/30/UE Direktibarako erakunde jakinarazia
Behe-tentsioko segurtasuneko 2014/35/UE Direktibarako erakunde jakinarazia
Neurketa-tresnetako 2014/32/ EU MID Direktibarako erakunde jakinarazia
LOVAG (Tentsio Baxuko Hitzarmen Taldea) Europako elkarteak erregistratutako ES-02 laborategia
IECEEren CB eskemen saiakuntzetarako laborategia
