Ibilgailuen komunikazioetako eraso-puntu potentzialak aztertzea eta murriztea, hala pribatutasunari nola segurtasunari eragiten diotenak.
Ohiko segurtasun-azterketek mugak dituztenez eta azken faseetan diseinu-arazoak aurkitzeko arriskua dagoenez, hutsegite-injekzioaren simulazioak oso soluzio erakargarria dira.
Kokapena
Deskribapena
Azpiegitura honek ekintza hauek egiteko aukera ematen digu:
- Lotura ahulak edo hutsegite-puntuak identifikatzea diseinuaren lehenengo faseetan.
- Sistema batek hutsegiteen aurrean duen portaera ulertzea.
- Sistemaren portaera akastuna iragartzea, hutsegiteekiko tolerantziaren mekanismoen estaldura edo efizientzia neurtuz.
- Hutsegiteekiko tolerantziaren mekanismo batzuen eraginkortasuna aztertzea.
Laborategiak ekipamendu eta osagai hauek ditu:
- MODEL CARS: ibilgailuen fabrikatzaileekin lankidetzan diseinatutako flota (1:8 eskala), benetako ibilgailuen portaera erreplikatzeko gai diren sentsore, kontrol-unitate eta eragingailuz osatuak. Automatizazio-funtzio bat dute: Cooperative Adaptative Cruise Control (CACC) funtzioa.
- OPENCERT: sistema zibernetikoen (CPS) ziurtatzea bermatzeko eta kudeatzeko irtenbide integratu eta holistiko bat da.
- SABOTAGE: simulazioan oinarritzen den hutsegite-injekzioko tresna dugu, ibilgailu automatizatuetan funtzio kritikoen segurtasuna eta sendotasuna ebaluatzeko.
Gure laborategia Basque Cybersecurity Centrek koordinatzen duen Basque Digital Innovation Hubeko zibersegurtasun-nodoaren parte da.
Nori zuzendua
- Enpresak:
- ETEak
- Start-upak
- Enpresa handiak
- Digital Innovation Hubak
- Klusterrak
- Gure teknologiak haien negozio eta sektoreetan dituen inpaktua eta onurak aztertu eta esperimentatu nahi dituzten enpresa-elkarteak
