Li-ioi baterien suteak ebaluatzeko laborategia

TECNALIAk saiakuntza-plataforma bat du bere suteen aurkako eta segurtasuneko laborategian, Li-ioi gelaxken arteko, moduluen arteko eta bateria osoetako (battery packs) ihes termikoko edo thermal runaway delako gertaeren hedapena ebaluatzeko. Saiakuntza kontrolatuen bidez, muturreko kondizioak induzitzen dira (gainberotzea, gainkarga, zirkuitulaburra, kalte mekanikoa), hauek aztertzeko:

• Gelaxken/moduluen arteko ihes termikoaren hedapena.
• Inguratzaileak (battery enclosure) kondizio horietan duen portaera.
• Materialen eta hesi-produktuen eraginkortasuna, arriskuak arintzeko.
• Suteen aurkako segurtasun pasiboa energia metatzeko sistemetan.
• Gas eta ke toxikoen hustuketa eta kanalizazioa gutxitzeko soluzioen behar bezalako funtzionamendua
• Baterien barne-presioa kontrolatzeko sistemen ebaluazioa, ihes termikoa gertatzen den bitartean

Saiakuntzak metodologia normalizatuekin (IEC, UL, RTCA) eta bezeroaren behar espezifikoetara egokituta egiten dira, gasen, tenperaturen eta presioen denbora errealeko monitorizazioa barne.

Ebaluatzen dugun arazo nagusia da energia biltegiratzeko sistemek nolako segurtasuna duten suteetan egoera kritikoei aurre egiteko, adibidez Li-ioi baterietan sor daitezkeenei. Horrelako teknologietan, gelaxka bateko akats batek sutea beste gelaxka edo modulu batzuetara hedatzea eragin dezake. Suteen aurkako segurtasuna bermatzeko, biltegiratze-soluzioei probak egin behar zaizkie muturreko baldintzetan, hala nola gainberotze, gainkarga, zirkuitulabur edo kalte mekaniko kasuetan; hala, egiazko akats-egoerak simulatzeko.

Gaur egun, nazioarteko araudiek (IEC, UL, RTCA) proba zorrotzak eta zehatzak eskatzen dituzte, eta enpresa askok ezin dituzte egin azpiegitura espezializatuetara jo gabe. Hutsune horrek erronka bat planteatzen du, sistemen suteen aurkako segurtasun pasiboa eta estandar globalekiko egokitasuna baliozkotzeko, batez ere sektore kritikoetan, hala nola automobilgintza elektrikoan, garraio aeronautikoan edo energiaren biltegiratze geldikorrean.

Gure laborategiak arazo hori konpondu nahi du, arriskuak identifikatu, aztertu eta arintzeko metodo eta tresna aurreratuak eskainiz eta, horrela, sistema horiek baliatzen dituzten erabiltzaile, ekipo eta inguruneen babesa ziurtatuz.

Gure laborategiak erronka horiek ebazten ditu metodo esperimental aurreratuak eta araudia betetzea konbinatzen dituen ikuspegi integral baten bidez.

Ihes termikoa edo thermal runaway-a eragiteko, muturreko baldintzak aplikatzen ditugu, hala nola gehiegikeria termikoa, mekanikoa, gainkarga eta zirkuitulaburra, eta Li-ioi gelaxken arteko, moduluen arteko eta bateria osoetako akats-egoera errealak simulatzen ditugu. Saiakuntza horietan, gelaxka eta moduluen arteko beroaren eta sugarraren hedapena ebaluatzen dugu, eta inguratzaileak (battery enclosure) kondizio kritikoetan duen portaera aztertzen dugu.

Aldi berean, materialen eta hesi-produktuen eraginkortasuna baliozkotzen dugu, Torch & Grit eta antzeko metodologien bidez, elementu horiek ihes termikoaren edo thermal runaway-aren hedapena arintzen dutela ziurtatuz. Prozesu osoa denbora errealeko monitorizazio aurreratu batekin osatzen da, eta funtsezko parametroak erregistratzen dira, hala nola gasak, tenperaturak eta presioak, datu zehatzak eta erreproduzigarriak lortzeko.

Gainera, gure saiakuntzek nazioarteko estandarrekin bat egiten dute (IEC 62619, UL 9540A, RTCA DO-311, besteak beste), eta araudia betetzen dela bermatzen dute. Azkenik, I+G proiektuen behar espezifikoetara edo bezero bakoitzaren eskakizun teknikoetara egokitutako metodologia pertsonalizatuak garatzen ditugu, energia biltegiratzeko sistemen berrikuntza segurura bideratutako soluzio malguak eskainiz.

• Segurtasun-bermea: Biltegiratze-sistemek muturreko baldintzak jasaten dituztela egiaztatzen dugu.
• Araudia betetzea: Araudi globalen araberako produktuen sailkapena errazten dugu.
• Arriskuak murriztea: Aplikazio kritikoetan (ibilgailu elektrikoetan, aeronautikan, etab.) suteak gertatzeko aukerak minimizatzen ditugu.
• Berrikuntza segurua: Material edo diseinu berriak baldintza errealetan probatzeko aukera eskaintzen du.

• Azpiegitura ziurtatua: Saiakuntza elektriko eta termikoetarako ENAC ISO 17025 ziurtapena duen laborategia dugu.
• Esperientzia teknikoa: Baterien segurtasunean eta energia-metaketan espezializatutako taldea gara.
• Eskala handiko gaitasuna: Bateria-sistema osoekin (moduluak eta paketeak) egiten ditugu saiakuntzak.
• Urruneko monitorizazioa: Datuak denbora errealean erregistratzeko teknologia aurreratua dugu.

Ihes termikoaren ondorioen ebaluazioak zure bateriaren segurtasun-maila hobetzen lagunduko dizu.

Zerbitzu hau sektore hauetako enpresa eta erakundeetara zuzenduta dago:

1. Bateriak eta energia biltegiratzeko sistemak fabrikatzen dituzten enpresak
   • Aplikazio kritikoetarako gelaxkak, moduluak eta bateriak garatzen dituzten enpresak.
2. Automobilgintzako eta garraioko OEMak
   • Ibilgailu elektrikoen eta mikromugikortasuneko, tren-garraioko eta aeronautikako ibilgailuen fabrikatzaileak.
3. Sistema elektrikoen eta elektronikoen integratzaileak
   • Azpiegitura edo gailuetan energia biltegiratzeko soluzioak ezartzen dituzten enpresak.
4. Barne-babeserako bateria- eta material-inguratzaileen eta produktuen fabrikatzaileak
5. Zentro teknologikoak eta I+Gko laborategiak
   • Diseinuak edo materialak muturreko baldintzetan baliozkotzen dituzten erakundeak.
6. Ziurtapen- eta aseguru-erakundeak
   • Araudiak betetzeko edo arriskuak ebaluatzeko datu teknikoak behar dituzten erakundeak.