Tecnalia

Sare elektrikora konektatzeko ekipamendu elektronikoan gehienez 300 MVA-ko potentziarekin, 1 s-an, saiakuntzak egiteko aukera ematen duen saiakuntza-laborategia.

Laborategi hau 220 kV-ko goi-tentsioko sarera konektatuta dago, eta 2,7 kV eta 39 kV arteko tentsioak lortzeko ahalmena du, saiakuntzak egiteko bai tentsio ertaineko ekipamenduekin, baita 1 kV-tik beherako eta behe-tentsioko ekipamenduekin ere.

Kokapena

Zamudioko 2. egoitza

Deskribapena

Azpiegitura honek potentzia jakin bat behar duten saiakuntza-mota batzuk egiteko aukera ematen du:

Behe-tentsioko ekipamenduak (fusibleak, etengailuak, kaxak, kolektoreak eta etengailu automatikoak, besteak beste):

zirkuitulaburren saiakuntzak, 150 kA, 1 s-raino

eteteko ahalmenaren saiakuntzak: 240 V, 400 V, 500 V— 120 kA 690 V, 800 V — 80 kA

irekitze- eta ixte-saiakuntzak

barne-arkuaren saiakuntzak

Tentsio ertaineko / goi-tentsioko ekipamenduak:

korronte onargarriko saiakuntzak

irekitze- eta ixte-saiakuntzak korronte induktibo eta kapazitiboekin (38,5 kV-rainoko tentsioak eta 800 A-rainoko intentsitateak)

barne-arkuaren saiakuntzak: 300 MVA-raino, tentsioa doituta

Erresistentzien eta kondentsadore-bankuen berotze bereziak, besteak beste

10 MVA-rainoko transformadoreen zirkuitulaburrak

Era berean, instalazioak elementu hauek ditu:

Kontrol-gela: zortzi pertsonarentzako edukierarekin, hiru pantailarekin eta saiakuntza nola gauzatzen den kontrolatzeko eta neurriak bistaratzeko ekipamenduarekin.

Bi saiakuntza-gela; bat, 70 m²-koa; eta barne-arkuko beste gela bat, gutxi gorabehera 25 m²-koa.

Potentzia-laborategian egiten diren neurketa guztiak ekipamendu erregistratzailetik isolatuak daude zuntz optiko bidez, interferentziak saihesteko eta isolamendua emateko.

Nori zuzendua

Azken bezeroak, hala nola ingeniaritzak eta instalatzaileak.
Ekipamendu elektrikoen fabrikatzaileak.
Elektrizitate-konpainiak.

Erlazionatutako laborategi-zerbitzuak

Saiakuntzak inbertsoreekin eta potentzia-bihurgailuekin

Sareko konexioaren kalitateari eta produktuaren segurtasunari buruzko araudiaren inguruko saiakuntzak 300 kW bitarteko potentzia-bihurgailuetan eta eguzki-inbertsoreetan.

Ibilgailu elektrikoen kargatze-sistemen saiakuntzak

Ibilgailu elektrikoak AC eta DC korronteetan kargatzeko sistemen kalitatea bermatzen duten kalifikazio-aurreko saiakuntzak, kargatzeko modu guztietan: 1, 2, 3 eta 4.