"Makina-erreminta adimentsu eta autonomoen garapenaren bitartezko fabrikazio-industria"
Adimen artifiziala, automatizazioa eta fabrikazio aurreratua uztartzen dituen ekimen estrategikoa da MHAYA.
MHAYA I+G+B-ko ekimen espainiar bat da, fabrikazio-industria errotik eraldatzera orientatua, ekoizpen-prozesuetara beren kabuz egokitzen diren makina-erreminta adimentsu eta autonomoen garapenaren bidez.
Nicolás Correa industria-enpresak gidatzen du proiektua, makina-erreminta arloko zazpi ekoizlek, TECNALIAk, Burgoseko Unibertsitateak eta beste zenbait teknologia-enpresak eta ikerketa-zentrok osatutako partzuergo batekin batera.
Ekoizpen-gune kognitiboak
Eginkizun hauek gauzatzeko gai diren ekoizpen-gune kognitibo bilakarazi nahi ditu MHAYAk industria-makina tradizionalak:
- Fabrikazio-ingurunearen aldaketetara era autonomoan egokitzeko.
- Aurreko esperientzietatik ikasteko.
- Beren burua programatu eta prozesuak optimizatzeko.
- Akatsak detektatu (tresnen hausturak, adibidez) eta automatikoki erreakzionatzeko.
- Fabrika adimentsuaren barneko beste makina batzuekin eta langileekin komunikatzeko.
TECNALIAren eginkizuna
TECNALIAk hornitzaile teknologiko giltzarri gisa jokatu du, arlo hauetako ezagutzak erantsiz:
- industriako adimen artifiziala
- sentsorika aurreratua eta datu-prozesamendua
- gizakiaren eta makinaren arteko interakzioa
- industria-datuen elkarreragingarritasuna eta segurtasuna
Haren parte-hartzeari esker, makinek sortutako datuak produktibitatea, kalitatea eta efizientzia energetikoa hobetzen dituzten erabaki automatiko bihurtu dira.
Lortutako eragina
4.0 Industria aurreratuari bultzada ematen diogu fabrikek era autonomoago eta jasangarriagoan funtziona dezaten. Espero diren onuren artean, hauek nabarmentzen dira:
- Materialen kontsumoa eta energia murriztea.
- Industria-produktibitatea handitzea.
- Era malguago eta pertsonalizatuagoan ekoiztea.
- Espainiako makina-erremintaren sektorearen lehiakortasuna handitzea.