Berria

AENORek TECNALIAren I+G+Baren kudeaketa-sistemaren bikaintasuna ziurtatu du

2021ko abuztuaren 2a
AENOR certifica la excelencia del Sistema de Gestión de la I+D+i de TECNALIA

Ikerketaren, garapenaren eta berrikuntzaren alorrean, AENORen ziurtagiria UNE 166002:2021 arauaren azken bertsioaren eskakizunetara egokitu duen lehen erakundea izan da

Ikerketako eta garapen teknologikoko gure zentroak AENORen UNE 166002:2021 ziurtagiria lortu du, zeinak ziurtatzen baitu TECNALIAk betetzen duela UNE 166002 arauaren azken bertsioa ikerketa, garapen eta berrikuntzako prozesuen kudeaketan.

Ziurtagiri hori 2017an lortu zen UNE 166002:2014 ziurtagiriaren egokitzapen bat da. Hala, TECNALIA da AENORen ziurtagiria arauaren azken bertsioaren eskakizunetara egokitu duen lehen erakundea.

UNE 166002 arauaren 2021eko bertsioa martxoaren 11n argitaratu zen; batetik, kontuan hartzen ditu nazioarteko joera berriak, ISO 56002 arauan jasoak, eta, bestetik, nazioarteko arauko I+G+Bko zortzi printzipioak jasotzen ditu: ezagutza sortzea (ikerketan) eta balioa sortzea (berrikuntzan); liderrak etorkizunera begira egotea; norabide estrategikoa; kultura; xede bat duten ideiak; ziurgabetasunaren kudeaketa; moldakortasuna; eta ikuspegi sistemikoa.

Informazio gehiago