10apirila
Berria
Prestazio handiko monitorizazioa industriarako
Petrokimikaren, energia eolikoaren eta industriaren alorreko enpresek jada agertu dute interesa ekipamenduen hutsegiteak % 50 murrizten laguntzen duten teknologia horiekiko
Instalazio industrial automatizatuetako ekipamendu eta tresnen hutsegiteek asko handitzen dituzte eragiketa-kostuak. Hutsegite horien ondorioak are handiagoak dira baldin eta laneko istripuak eta ingurumen-inpaktua ere kontuan hartzen baditugu.
Halako instalazio industrialetako hutsegite posibleak garaiz hautemateak hutsegiteak ekiditen laguntzen du: fidagarritasuna eta segurtasuna kontuan izan behar dira, eta ez soilik kostu ekonomiko handiak dakartzalako ekipamenduak ez monitorizatzeak.
Diagnostiko automatikoa
Horregatik, soluzio eta teknologia batzuk garatu ditugu TECNALIAn, datu-fusioan eta adimen artifizialean oinarrituta ekipamendu industrialen diagnostiko automatikoa egiteko. Teknologia horiek informazio asko ematen dute ekipamenduen eta ekoizpen-lerroen unean uneko eta etorkizuneko osasun-egoerari buruz.
Petrokimikaren, energia eolikoaren eta industriaren alorreko enpresek eta erakundeek jada agertu dute interesa ekipamenduen hutsegiteak % 50 murrizten laguntzen duten teknologia horiekiko Produktibitatea % 30 handitzea ere lortzen dute.
Sektore horietako enpresa garrantzitsuen laguntzari esker, teknologia horietako batzuek nola funtzionatzen duten erakutsiko dugu Maintenance 2019 azokan.
