Eguzki-energia ibilgailuetan integratu dugu

Solar Power Europe eguzki-energiaren arloko Europako elkarte nagusiak garraioaren sektorean eguzki-energia integratzeari buruzko txosten bat argitaratu du. Mugikortasun garbiagoa eta jasangarriagoa lortzeko ikuspegi berriak zabaltzea bultzatu dute, eta TECNALIAk parte hartu du txostena prestatzen.

Putting solar in the driver's seat: Solar Mobility report da txostenaren izena, eta eguzki-energia bidezko mugikortasuneko zenbait eredu jasotzen ditu; Europako eta munduko esperientzia aitzindarien bidez erakusten dira, azterketa-kasu zehatzekin.

Azterlanean, eguzki-energia bidezko mugikortasuneko hiru eredu nabarmentzen dira: eguzki-energia bidez elikatutako mugikortasuna, ibilgailu elektrikoen eguzki-energia bidezko kargatze adimentsua eta energia fotovoltaikoa integratua duten ibilgailuak.

Mugikortasun adimenduneko estrategiek, zeinek eguzki-energia sartzea eta hedatzea aurreikusten baitute, energia-hornidura eskuragarriagoa eta fidagarriagoa eskatzen dute, ibilgailu elektrikoaren sareko integrazioa optimizatzen dute, eta, azken batean, negozio-aukera berriak sortzen dituzte eguzki-prosumitzaileentzat, ibilgailu elektrikoen jabeentzat eta kargaguneen operadoreentzat.

Eguzki-energia bidezko mugikortasunari esker, asko murriztuko dira CO₂-emisioak garraio-sektorean (Europako CO₂-emisioen % 25 eragiten du sektore horrek), eta airearen kalitatea hobetu egingo da, bai kutsadurari dagokionez, bai zaratari dagokionez.

Argibide gehiago

Eguzki-energia bidezko mugikortasunaren txostena deskargatzea