25uztaila
Berria
Material aurreratu eta berritzaile berrien diseinuan egiten dugu lan
Produktu eta ahalmen berriak sartu dira ziurtagirian
UNE-EN/IEC 17025 arauaren arabera saiakuntzak egiteko laborategi gisa ENAC Egiaztatze Erakunde Nazionalak ekipo elektrikoen gure laborategirako emandako ziurtagiriaren hedadura nabarmen zabalagoa da.
Produktu jakin batzuen adostasun-ebaluazioen eskaerei erantzuteko eta laborategiaren saiakuntza-ahalmen berriak kontuan hartzeko zabaldu da ziurtagiriaren hedadura. Ezinbestekoa da ziurtagiria izatea adostasunaren ebaluazioak egiteko.
ENACen ziurtagirian, produktu berri hauek sartu dira:
- Goi-tentsioko eta azpiestazioetako aireko lineetarako materialak: isolagailu konposatuen, zeramikazko edo beirazko isolagailuen eta burdinerien saiakuntza elektrikoak.
- Erdi-tentsioko kable estrusionatu isolatuen osagarriak, kableetan dagoeneko egiaztagiria duten ahalmenak osatzeko.
- Erreaktantziak, transformadoreen ahalmenak osatzeko.
- Ibilgailu elektrikoak haririk gabe kargatzeko sistema.
- Behe-tentsioko potentzia-kondentsadoreak.
Horrez gain, ziurtagirian sartuta dauden produktuen saiakuntzak egiteko gaitasunak gehitu ditugu: oliotan murgildutako banaketa-transformadoreak (upelen nekearen saiakuntza), transformadore lehorrak (ingurumen klaseko saiakuntzak eta klima klasekoak), neurketa-transformadoreak (transformadore konbinatuak, transformadore kapazitiboak, potentzia txikiko transformadore pasiboak), goi-tentsioko aparatuak, behe-tentsioko aparatuak eta segurtasun-ekipoak. Gure saiakuntza-ahalmena handitzen jarraitzen dugu hainbat alorretan: goi- eta behe-tentsioko energia-sorgailuak eta goi- eta behe-tentsioa garraiatzeko, banatzeko eta erabiltzeko ekipamenduak.
Gure bezeroen beharretara egokitzen gara, eta aurrea hartzen diegu, beren ekipoen saiakuntzen eta adostasun-ebaluazioen eskakizunak bete ditzaten, sare-kontzeptu eta -baldintza berrien arabera (sare adimenduna, HVDC sarea, berriztagarrien presentziaren neurria, sorkuntza banatua eta mugikortasun elektrikoa).
Ziurtagiriek aitortzen eta frogatzen dute gure zerbitzuek zer kalitate eta ahalmen duten.
.
