Berria

Estandarizazioa eta berrikuntza integratzeari dagokion UNE saria jaso dugu

2020ko ekainaren 29a

UNErekin lan egin dugu Horizon 2020ren baitako Europako 26 ekimen-proposamenetan

Espainiako Normalizazio Erakundeak 2020ko UNE sariak eman ditu, pertsona eta erakundeek estandarizazioaren alde egiten duten lana aintzatesteko.

Normalizazio-batzorde teknikoetako (NBT) presidente eta idazkarien urteroko saioan banatu dira sariak; aurtengo saioa online egin da, eta sektore-elkarteetako, enpresetako, administrazio publikoetako eta beste erakunde batzuetako NBTetako 200 lehendakari eta idazkari baino gehiagok parte hartu dute. Saio horiek UNEren baitako sektore anitzeko kolaborazio-ingurunea indartzen dute. Hala, eredu asoziatiboa indartzen da, Espainiako enpresa eta administrazio publikoen beharrei erantzuteko berme gisa.

NBTetako presidenteari, NBTei eta batzordekideei ematen zaizkien UNE sariek pertsona eta erakundeak aintzatesten dituzte, UNE estandarrak lantzeko prozesuan duten inplikazioagatik. Horrez gainera, estandarizazioa berrikuntzan integratzea ere aintzatesten dute sariek.

Hauek izan dira sarituak: 

  • 2020ko presidentetza gailenenaren UNE saria: Manuel Carbó, Tabakoa eta tabako-produktuak NBT 118ko presidentea. NBT hori dinamizatzen eta haren jarduerak bultzatzen egin duen lanagatik eman zaio saria. Osasun, Kontsumo eta Gizarte Ongizate Ministerioko Kontsumoko Zuzendaritza Nagusiko Ikerketa Zentroko eta Kalitate Kontroleko zuzendaria da Manuel Carbó.
  • NBT gailenenaren UNE saria: Energia elektrikoko kableak NBT 211, zeinaren idazkaritza FACELek (Kableen, Elektrizitate-eroaleen eta Zuntz Optikoaren Fabrikatzaileen Espainiako Elkartea) kudeatzen baitu. Xavier Cesari idazkariari eman zaio saria. NBT horren jarduerek sektoreko erakundeetan izan duten eragin positiboa eta normalizazio-sisteman ezarritako prozedurak betetzeko garaian NBT horrek izan duen profesionaltasuna eta dinamizatzeko gaitasuna aintzatesten ditu sariak.
  • Batzordekidetza gailenenaren UNE saria: Roberto Arias eta Susana Rodríguez, Zitrón enpresakoak, Klimatizazioa NBT 100eko batzordekidetzagatik. Batzorde horretan izan duten inplikazioa eta ibilbidea balioetsi ditu sariak. Tuneletarako aireztapen-sistemak egiten ditu Zitrón enpresak, eta 15 urte baino gehiago daramatza normalizazioaren alde lanean eta normalizazioan parte hartzeak dakartzan onurak ezagutzen.
  • Estandarizazioa eta berrikuntza integratzeari dagokion UNE saria  TECNALIAk jaso du, Iñaki San Sebastian CEOa ordezkari dela. I+G+Bko jardueren estandarizazioaren integrazioa aplikatzen eta sustatzen egindako lan nabarmena balioesten du sariak. TECNALIAk normalizazioko 40 organo teknikotan baino gehiagotan parte hartu du, eta Horizon 2020 Europako 26 ekimen-proposamenetan aritu da lanean. 

UNEko 219 normalizazio-batzorde teknikoetakoren batean UNE arau teknikoak prestatzen aktiboki parte hartzen duten adituen (12.000tik gora) eta erakundeen (6.000tik gora) konpromisoa eta profesionaltasuna aintzatesten ditu sari horiekin Espainiako Normalizazio Erakundeak.

Bestalde, espero da sari horiekin UNEren baitako sektore anitzeko kolaborazio-ingurunea bultzatzea, eta eredu asoziatiboa indartzea, Espainiako enpresa eta administrazio publikoen beharrei erantzuteko berme gisa.

UNEko NBTetako presidente eta idazkarien urteroko saioan, zeina online egin baita, UNEko presidente Carlos Esteban eta UNEko zuzendari nagusi Javier García izan dira, besteak beste.