"Sistema hori gai izango da 60 tona karga garraiatzeko aireportu-azpiegituraren beharrik gabe"
Aire bidezko garraio jasangarrirako lankidetza
TECNALIAn irmoki uste dugu salgaien garraioaren etorkizuna soluzio jasangarriagoak, eraginkorragoak eta XXI. mendeko beharretara egokituak direla. Horregatik, bat egin dugu Flying Whales enpresa franko-kanadar berritzailearekin, zeina sektorea iraultzen ari baita zama garraiatzeko aireontzi handi batekin: LCA60T baloi gidatua (200 metroko luzera eta 50 metroko diametroa ditu).
Proiektu honetan, gure zeregina da sistema bat diseinatzea, aukera emango duena baloi gidatuaren egitura jasotzeko eta muntatze-prozesu osoan hari eusteko, aireontziaren osotasun mekanikoa eta han lanean ari diren langileen segurtasuna bermatuta. Eragiketa konplexua eta aurrekaririk gabekoa da, eta soluzio teknologiko pertsonalizatu bat behar du.
Teknologia hori funtsezkoa da belaunaldi berriko baloi gidatu honen errendimendua, segurtasuna eta efizientzia optimizatzeko; izan ere, gai izango da 60 tona karga garraiatzeko, aireportu-azpiegituraren beharrik gabe.
Berdinik gabeko goratze-sistema industriala
Horretarako, funtsezko zenbait arlotan dugun ezagutza erabiltzen dugu, hala nola kontrol aurreratuan, modelizazio dinamikoan, elementu finituen analisian (FEA), mekatronikan eta 5G konektagarritasunean dugun ezagutza. Diziplinen konbinazio horrek aukera ematen digu erronkari ikuspegi holistiko batetik heltzeko, eta zehaztasuna, segurtasuna eta efizientzia ematen digu garapenaren fase bakoitzean.
Aireko logistikaren paradigma-aldaketa horren parte aktiboa izan nahi dugu, urrutiko eremuetara (eskualde menditsuetara, baso-eremuetara edo uharte-komunitateetara, adibidez) sartzea errazten duen eredu bat babestuta ez ezik, garraio astunaren emisioak eta aztarna ekologikoa nabarmen murriztuta.
Gisa honetako aliantzak dira Europan industria lehiakorragoa eta jasangarriagoa bultzatzeko bidea
Harro gaude Flying Whalesi nazioarteko hedapenean laguntzeaz eta gure esperientzia eskaintzeaz proiektu berritzaile hau datozen urteetan errealitate operatibo izan dadin.
