Tecnalia

TECNALIAn deeptech startupak bultzatu nahi ditugu, gure gaitasun teknologikoak haien eskura jarriz deeptech4impact programarekin.

TECNALIAk aktiboki bultzatzen du ekintzailetza teknologikoa, deeptech4impact azelerazio-programaren bidez, zeina garapen-fase goiztiarretan dauden deeptech startupetara bideratuta baitago.

Laborategitik merkaturako bidean startupei oinarri teknologiko sendoarekin laguntzeko diseinatuta dago programa hau. Balio bereizgarri hau du: TECNALIAren gaitasun teknologikoa jartzen du haien eskura, bazkide estrategiko gisa.

2025ean, osasunera bideratuta, baina beste sektore batzuei ateak itxi gabe

TECNALIAk funtsezko sektoreekin duen konpromisoari eusten badio ere (hala nola deskarbonizazioa, elikadura, mugikortasuna eta eraldaketa digitala), 2025ean, osasunaren arloko ekimenak bilatzen ditu zentroak. Bereziki, honako ildo hauetan:

Biomarkatzaileen diagnostikoa eta monitorizazioa.

Zelula-kultiboetarako eta bioinprimaketarako biomaterial aurreratuak.

Neuromodulazioa eta estimulazio-sistemak.

Prozedura medikoei aplikatutako robotika kirurgikoa.

Farmakoak bide transdermikoan askatzeko sistemak.

Osasun digitala eta diagnostikoari, tratamenduari eta erabaki klinikoetan laguntzeari aplikatutako AA.

Laguntza integrala eta abangoardiako teknologia eskura

Hautatutako startupek TECNALIAren eta haren deeptech Venture Builderraren (TECNALIA Ventures) laguntza izango dute, eta, horri esker, alderdi hauek barne hartzen dituen ekosistema paregabe batean integratu ahal izango dira:

Jabetza industrial eta aktibo teknologiko propioak eskura izatea.

Adituen laguntza eta diziplina anitzeko taldeak.

Azpiegitura eta laborategi bereziak.

Bezeroekiko, inbertitzaileekiko eta merkatuarekiko konexioa.

TECNALIA hautatutako deeptech startupen lehen inbertitzaile eta bazkide estrategikoa izango da; arriskuak partekatuko ditu haiekin, eta heltze teknologikoa, ingurune errealetako baliozkotzea eta soluzioak eskalatzea erraztuko ditu.

Hasierako garapen-fasean dauden deeptech startupak bilatzen dira

Deeptech4impact programaren bidez, TECNALIAk lehen inbertitzailearen eta aliatu teknologikoaren rola beteko du hautatutako deeptech startupen balio-proposamena indartzeko, eta, horretaz gain, arriskuak partekatuko ditu, eta haien soluzioa merkatuaren benetako beharretara egokituko du.