14uztaila
Berria
TECNALIAk eta Ermuko Udalak Santa Ana auzoaren biziberritzea bultzatuko dute
Azken 20 urteotan, ENVASES lankidetzan aritu da gurekin, eta gure bazkide teknologiko bihurtu da
ENVASES METALURGICOS DE ÁLAVA familia-enpresa bat da, aluminiozko ontzi jasangarriagoak diseinatzen eta fabrikatzen dituena, eta 20 urte baino gehiago daramatza gurekin lankidetzan, I+Gko inbertsioa indartzeko. Gure bazkide teknologiko bihurtu da, eta modu aktiboan hartzen du parte produktua eta fabrikazio-prozesua berritzeko eta hobetzeko ezagutzaren garapenean.
1999an hasi zen lankidetza, Envases enpresari merkatuan ontzi berri bat sartzeko aukera eman zion proiektu bat garatuz; horren ondorioz, patente bateratu bat sortu zen.
Gainera, lankidetza horri esker, zenbait teknologia garatu eta patentatu dira, ENVASESen bezeroei produktu esklusiboak eta pertsonalizatuak eskaini ahal izateko: balio erantsi handia dute, eta, aldi berean, babestuta daude merkatu konbentzionaletan gero eta ohikoagoak diren faltsifikazioetatik.
Teknologia horietako bat Embossing deformazio-teknologia da, azken produktuaren egiazkotasuna eta berezitasuna bermatzen dituena.
Proiektu horri esker, posizio pribilegiatua lortu zuen ENVASESek, berrikuntza hori sartu zuen lehen aerosol-fabrikatzailea izan baitzen.
ENVASESen teknologiaren eta berrikuntzaren aldeko apustuari esker, Arabako enpresa horrek merkatu berrietan sartzea eta irmo eustea lortu du. Era berean, lankidetza bateratua lagun, Europako merkatu-kuota handitzea espero da.
